პარლამენტის ტერიტორიული მთლიანობის აღდგენის კომისიის დახურული სხდომა, სადაც შერიგების საკითხებში სახელმწიფო მინისტრს თეა ახვლედიანს უსმენდნენ, დასრულდა.

როგორც შეხვედრის შემდეგ თეა ახვლედიანმა ჟურნალისტებთან განაცხადა, დღევანდელ სხდომაზე, წლის განმავლობაში კომისიასთან თანამშრომლობის გეგმაზე და განრიგზე შეთანხმდნენ.

“საკმაოდ ხშირად ჩვენ განვიხილავთ თემატურ მიმართულებებს, მათ შორის, გვექნება გასვლითი სხდომები ოკუპირებული რეგიონების სიახლოვეს მდებარე სოფლებში. დღევანდელი დღის წესრიგი ითვალისწინებდა ჟენევის საერთაშორისო მოლაპარაკებების ფარგლებში სახელმწიფო მინისტრის აპარატის ჩართულობის განხილვას, განსაკუთრებით მეორე სამუშაო ჯგუფის მიმართულებით, რომელშიც განიხილება ჰუმანიტარული და ადამიანის უფლებრივი თემატიკა,"- განაცხადა ახვლედიანმა.