არჩილ ტატუნაშვილის მამა - ტკივილი არ ნელდება, უფრო გაუსაძლისი ხდება - ჩემი შვილის მკვლელები დაუსჯელები დადიან

ტკივილი არ ნელდება, უფრო და უფრო გაუსაძლისი ხდება. ჩემი შვილის მკვლელები დაუსჯელები დადიან, - ამის შესახებ საოკუპაციო რეჟიმის მიერ მოკლული არჩილ ტატუნაშვილის მამამ, გივი ტატუნაშვილმა „ინტერპრესნიუსს“ მუხათგვერდის ძმათა სასაფლაოზე განუცხადა.

არჩილ ტატუნაშვილის დაბადების დღესთან დაკავშირებით ოჯახის წევრები მუხათგვერდის ძმათა სასაფლაოზე მივიდნენ.

გივი ტატუნაშვილის განცხადებით, 3 წელი გავიდა მას შემდეგ, რაც ოკუპირებული ცხინვალის ე.წ. უშიშროების იზოლატორში წამებით მოკლეს მისი შვილი.

„ტკივილი არ ნელდება, უფრო და უფრო, გაუსაძლისი ხდება. ჩემი შვილის მკვლელები დაუსჯელები დადიან. ხელისუფლება ითხოვს, რომ დამნაშავე დაისაჯოს, მაგრამ რუსეთი ამის გამკეთებელი არ არის“, - განაცხადა გივი ტატუნაშვილმა.

არჩილ ტატუნაშვილი 2018 წლის 22 თებერვალს ოკუპირებულ ახალგორში უკანონოდ დააკავეს, 23 თებერვალს კი ოკუპირებულ ცხინვალში გარდაიცვალა. ოკუპირებული ცხინვალის დე ფაქტო ხელისუფლება ცხედრის ოჯახისთვის გადაცემას თითქმის ერთი თვის განმავლობაში აჭიანურებდა. არჩილ ტატუნაშვილის ცხედარი ოკუპირებული ცხინვალიდან 20 მარტს გადმოასვენეს და 24 მარტს მუხათგვერდის "ძმათა სასაფლაოზე" სამხედრო პატივით დაკრძალეს. იგი გარდაცვალების შემდეგ ღირსების ორდენით დაჯილდოვდა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს