„ქართული ოცნების“ ოფისთან სამოქალაქო აქტივისტების აქცია მიმდინარეობს. აქციის მონაწილეებს ადგილზე მავთულხლართები აქვთ მიტანილი.

ამასთან, ისინი ადგილზე იმყოფებიან შემდეგი შინაარსის პლაკატებით: „აფხაზეთი საქართველოა“ , „რუსული ოცნება“, „დიდება გმირებს“.

„მოძრაობა „შეცვალე“ მოვედით აქცია-პერფორმანსით. ხედავთ მავთულხლართებს, ძალიან მარტივად არის ყველაფერი. ჩვენ ამით გვინდა ვთქვათ, რომ ჯანსაღად მოაზროვნე ადამიანებს გვახსოვს და ვიცით რა არის ოკუპაცია“,-აცხადებს აქციის მონაწილე.

ადგილზე მობილიზებულია საპატრულო პოლიცია.

შეგახსენებთ, რომ რამდენიმე წუთში „ქართული ოცნების“ ცენტრალურ ოფისში, პარტიის პოლიტსაბჭოს და უმრავლესობის სხდომები დაიწყება.

16.30 საათზე პარტიის ცენტრალურ ოფისში ჯერ პოლიტიკური საბჭოს სხდომა, 17:30 საათზე კი საპარლამენტო უმრავლესობის სხდომა გაიმართება.