პარლამენტის წევრებმა არჩილ ტატუნაშვილის საფლავი ყვავილებით შეამკეს

რუსეთის საოკუპაციო რეჟიმის მიერ ცხინვალის ციხეში წამებით მოკლული საქართველოს მოქალაქე, არჩილ ტატუნაშვილი დღეს 38 წლის გახდებოდა. მუხათგვერდის ძმათა სასაფლაოზე დაკრძალული არჩილ ტატუნაშვილის საფლავი, პარლამენტის თავმჯდომარის პირველმა მოადგილემ, გიორგი ვოლსკიმ, თავდაცვისა და უშიშროების კომიტეტის თავმჯდომარემ, ირაკლი ბერაიამ და პარლამენტის წევრებმა ფრიდონ ინჯიამ და დავით ზილფიმიანი ყვავილებით შეამკეს და გარდაცვლილის ოჯახის წევრებს სამძიმარი გამოუცხადეს.

„მოვა დრო და ვისაც არჩილ ტატუნაშვილის სასტიკ მკვლელობაში მონაწილეობა აქვს მიღებული, სასჯელი არ აცდებათ. ეს არის არაადამიანური ქმედება ახალგაზრდა კაცის მიმართ ყოველგვარი კონფლიქტების და ყოველგვარი პოლიტიკური თემების მიღმა. თავად არჩილი სამაგალითოა ყველასთვის, ახალგაზრდებისთვის, მათთვის ვინც იცის ვაჟკაცობის, ქვეყნის სიყვარულის და პატრიოტობის ფასი. ჩემს კოლეგებთან ერთად ვუსამძიმრებ ოჯახს და მათთან ერთად დავტირივართ არჩილის საფლავს“, - განაცხადა გიორგი ვოლსკიმ.

2018 წელს წამებით მოკლული არჩილ ტატუნაშვილი, საქართველოს პრეზიდენტმა, სიკვდილის შემდეგ ღირსების ორდენით დააჯილდოვა.

იოსებ ბარათაშვილი - თუ უმოკლეს ვადებში არ გამოქვეყნდა რა აუცილებლობით კეთდებოდა ფარული ჩანაწერები, ხელისუფლებას მოუწევს პასუხისმგებლობის აღება ძალზე მძიმე ბრალდებაზე
ქართული პრესის მიმოხილვა 16.09.2021
ირაკლი მელაშვილი - იმგვარ ვითარებაში, რომელშიც ვართ, საქართველოში ძალოვნებმა დაღუპეს ყველა ხელისუფლება და ახლა დაღუპავენ ამ ხელისუფლებასაც
კრიპტალი მომხმარებლებს 1 მილიონ შიბა ინუს (ელექტრონული ფული) ჩუქნის
BDO Digital-ი SWIFT-ის ოფიციალური პარტნიორი გახდა
BDO Digital-ი კომპანიებს აქტივების მართვის თანამედროვე გადაწყვეტას სთავაზობს
ქართული უნივერსიტეტი საერთაშორისო კონკურსში ნომინაციის ,,მომავლის განათლება’’ გამარჯვებული გახდა