შსს-ს ძველი თბილისის სამმართველოს ხელმძღვანელის გოგა მემანიშვილის განცხადებით, პარტია „ქართული ოცნების" ოფისთან დაკავებული პირები წვრილმანი ხულიგნობისა და პოლიციისადმი დაუმორჩილებლობისთვის დააკავეს.
მისივე განცხადებით, ყველა მათგანი საპატრულო პოლიციის დეპარტამენტშია გადაყვანილი.
„ყველა დაკავებულია ადმინისტრაციული წესით. წვრილმანი ხულიგნობის და პოლიციისადმი დაუმორჩილებლობის ბრლდებით, 166-ე და 173-ე მუხლებით. ისინი გადაყვანილები არიან საპატრულო პოლიციის დეპარტამენტში",- განუცხადა მემანიშვილმა ჟურნალისტებს.
კომენტარის გაკეთების დროს სამოქალაქო აქტივისტმა ნიკა ფარულავამ ხმოვანი სიგნალი ჩართო, რასაც პოლიციელების მყისიერი რეაგირება და მისი დაკავება მოჰყვა.
ადგილზე ამ დრომდე რჩებიან საპატრულო პოლიციის თანამშრომლები და აქტივისტების ნაწილი.
ჯამში, ამ დროისთვის მმართველი პარტიის ოფისთან 13 პირია დაკავებული.