მიხეილ ჩხენკელი - მჯერა, რომ ერთობლივი ძალისხმევით შევძლებთ საქართველოში ინკლუზიური განათლების წინაშე არსებული ყველა გამოწვევის დაძლევას

მჯერა, რომ ერთობლივი ძალისხმევით შევძლებთ საქართველოში ინკლუზიური განათლების წინაშე არსებული ყველა გამოწვევის დაძლევას, - ამის შესახებ საქართველოს განათლებისა და მეცნიერების მინისტრის, მიხეილ ჩხენკელის მიმართვაშია აღნიშნული, რომელსაც განათლების უწყება აუტიზმის ცნობადობის ამაღლების მსოფლიო დღესთან დაკავშირებით ავრცელებს.

როგორც მიმართვაშია აღნიშნული, საქართველოს ერთ-ერთი უმთავრესი მიზანია, ყველას შეუქმნას ხელმისაწვდომი და ხარისხიანი განათლების მიღების თანაბარი შესაძლებლობები.

„2 აპრილი აუტიზმის ცნობადობის ამაღლების მსოფლიო დღეა! გაეროს გენერალური ასამბლეის მიერ ამ დღის დაწესება აუტიზმის შესახებ ინფორმაციის გავრცელებასა და საზოგადოების ცნობიერების ამაღლებას ემსახურება.

ჩვენი ერთ-ერთი უმთავრესი მიზანია, ყველას შევუქმნათ ხელმისაწვდომი და ხარისხიანი განათლების მიღების თანაბარი შესაძლებლობები, უზრუნველვყოთ განათლების ისეთი სისტემა, რომელიც ინდივიდის განსხვავებულ საჭიროებაზე იქნება მორგებული.

სწორედ ამ მიზნის განხორციელებას ემსახურება „ინკლუზიური სწავლების პროგრამა“, რომელიც მთელი ქვეყნის მასშტაბით ხორციელდება. ამ პროგრამის ფარგლებში სამინისტრო აუტიზმის სპექტრის მქონე მოსწავლეების მხარდაჭერის მიზნით ინტეგრირებული კლასების მოდელის განვითარებაზე აქტიურად მუშაობს და მოსწავლეებს საგაკვეთილო პროცესში ინტეგრაციისთვის სხვადასხვა სერვისებს სთავაზობს.

მინდა გულწრფელი მადლობა გადავუხადო ყველას, ვისაც საქართველოში ინკლუზიური განათლების განვითარებაში თავისი წვლილი შეაქვს, ვინც სპეციალური საგანმანათლებლო საჭიროების მქონე მოსწავლეების განათლების უფლების უზრუნველყოფასა და საზოგადოებაში მათ ინტეგრაციაზე ზრუნავს. მჯერა, რომ ერთობლივი ძალისხმევით შევძლებთ საქართველოში ინკლუზიური განათლების წინაშე არსებული ყველა გამოწვევის დაძლევას“, - ნათქვამია მინისტრის მიმართვაში.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით