სამოქალაქო მოძრაობების წარმომადგენლები პარლამენტის წინ დაუმორჩილებლობის აქციას გამართავენ

სამოქალაქო მოძრაობები „კომენდანტის საათის” და ჯარიმების გაუქმების მოთხოვნით ერთიანდებიან და დღეს, პარლამენტის შენობის წინ აქციას გამართავენ. სამოქალაქო მოძრაობების წარმომადგენლები სხვადასხვა ადგილზე შეიკრიბებიან და 18:00 საათზე, პარლამენტის შენობის წინ აქციას გამართავენ. ისინი პოლიტიკურ პარტიებს მოუწოდებენ, რომ მათ აქციას შეუერთდნენ და ერთად გააპროტესტონ ის მოთხოვნები, რაც მათ აქვთ.

„სამოქალაქო ჯგუფებმა - „სირცხვილია", „დროა", „შეცვალე“, „დემოკრატიული მომავლისთვის" და „სოცაფეთქება" გადაწყვიტა, რომ შევუერთდეთ ერთმანეთს. ჩვენი მთავარი მოთხოვნაა ე.წ. კომენდანტის საათის და იმ ჯარიმების გაუქმება, რომელიც მოქალაქეებს „კომენდატის საათის“ დარღვევისთვის დააკისრეს.

რაც შეეხება საპროტესტო აქციის ფორმატს, 3 აპრილს 18:00 საათზე პარლამენტის შენობის წინ შევიკრიბებით.

სამოქალაქო მოძრაობები სხვადასხვა ადგილზე შევიკრიბებით და ბოლოს ერთიანი მარშით 17:00 საათზე ფილარმონიიდან წავალთ პარლამენტისკენ, სადაც სამოქალაქო დაუმორჩილებლობის აქტი შედგება. პარლამენტის შენობის წინ მთელი ღამე დავრჩებით. მოვუწოდებთ ყველა პოლიტიკურ პარტის და სამოქალაქო საზოგადოებას, რომ შემოგვიერთდნენ ამ ერთი მოთხოვნის ქვეშ და გაუქმდეს „კომენდატის საათი“ და ჯარიმები“, - განაცხადა მოძრაობა „სირცხვილიას" წევრმა შოთა დიღმელაშვილმა.

იხილეთ ვიდეო:სამოქალაქო მოძრაობების წარმომადგენლები პარლამენტის წინ დაუმორჩილებლობის აქციას გამართავენ

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით