ანზორ ერქომაიშვილის ოჯახს, საქართველოს პრეზიდენტმა სალომე ზურაბიშვილმა, პრემიერმა ირაკლი ღარიბაშვილმა, პარლამენტის თავმჯდომარემ არჩილ თალაკვაძემ, მთავრობის და პარლამენტის წევრებმა მიუსამძიმრეს.
სამების საკათედრო ტაძარში, ანზორ ერქომაიშვილის სამოქალაქო პანაშვიდზე „ქართული ოცნების“ ყოფილი თავმჯდომარე, ბიძინა ივანიშვილიც იმყოფებოდა.
ანზორ ერქომაიშვილს მთაწმინდის პანთეონში დღეს დაკრძალავენ.
ცნობისთვის, ანსამბლ „რუსთავის“ დამაარსებელი ანზორ ერქომაიშვილი 80 წლის ასაკში 31 მარტს გარდაიცვალა.
მუსიკოსი, ფოლკლორისტი და საქართველოს ხელოვნების დამსახურებული მოღვაწე ანზორ ერქომაიშვილი ვოკალურ ანსამბლ „რუსთავს“ 1968 წლიდან ხელმძღვანელობდა. გამოცემული აქვს მის მიერვე ჩაწერილი 7 ქართული (გურული) ხალხური სიმღერა.
დაჯილდოებულია ბრწყინვალების საპრეზიდენტო ორდენით.
იხილეთ ვიდეო:საქართველოს პრეზიდენტი სალომე ზურაბიშვილი და პრემიერ-მინისტრი ირაკლი ღარიბაშვილი ანზორ ერქომაიშვილის სამოქალაქო პანაშვიდზე იმყოფებოდნენ