სამოქალაქო მოძრაობების და რამდენიმე ოპოზიციური პარტიის წევრები ფილარმონიიდან პარლამენტისკენ მუსიკისა და შეძახილების ფონზე მსვლელობით მიემართებიან.
თავდაპირველად აქციის მონაწილეები 3 სხვადასხვა ლოკაციაზე შეიკრიბნენ, საიდანაც ისინი ფილარმონიასთან მივიდნენ. იქედან კი საკანონმდებლო ორგანოსთან გადაინაცვლებენ. აქციის მონაწილეები "კომენდანტის საათის” და ჯარიმების გაუქმებას მოითხოვენ.
სამოქალაქო მოძრაობა "სირცხვილიას" წევრის გიგა მაქარაშვილის განცხადებით, მიუხედავად იმისა, რომ მათ სცენის მონტაჟი პოლიციის წინააღმდეგობის გამო ვერ შეძლეს, პარლამენტის წინ, სადაც კონცერტის გამართვა იგეგმება, ხმის აპარატურა მიიტანეს. აქციის მონაწილეების განცხადებით, პარალმენტთან მთელი ღამის განმავლობაში დარჩებინ.