საქართველოს პარლამენტთან, სადაც სამოქალაქო აქტივისტებისა და პოლიტიკური პარტიების წევრების აქცია იმართება, მოძრაობა - "X საზოგადოების” წევრებმა აქცია-პერფორმანსი გამართეს.

მათ ადგილზე გალიები მიიტანეს, რომელშიც საქართველოს პრეზიდენტის სალომე ზურაბიშვილის, პრემიერ-მინისტრის ირაკლი ღარიბაშვილის, პარლამენტის თავმჯდომარის არჩილ თალაკვაძის, „ქართული ოცნების“ ყოფილი თავმჯდომარის ბიძინა ივანიშვილის, ვიცე-სპიკერის გია ვოლსკის, „ქართული ოცნების“ თავმჯდომარის ირაკლი კობახიძის, თბილისის მერის კახა კალაძის, ჯანდაცვის მინისტრის ეკატერინე ტიკარაძის, ასევე თენგიზ ცერცვაძის, პაატა იმნაძის და ამირან გამყრელიძის ფოტოებია ჩამოკიდებული.

"ბრძოლას ვუცხადებთ ამ მავნე რეგულაციას და ყველა იმ სამთავრობო პირს, ვინც ჯიუტად ცდილობს ჩვენს სახლებში გამოკეტვას!” - აღნიშნეს მოძრაობის წარმომადგენლებმა.