კაპანაძის ქუჩაზე მოსახლეობამ სპორტული მოედნისა და სკვერის მოწყობის მოთხოვნით აქცია გამართა

კუკიაზე, კაპანაძის ქუჩაზე მცხოვრებლებმა აქცია გამართეს. მოსახლეობა იმ ტერიტორიაზე, რომელიც, მათივე ინფორმაციით, თბილისის მერიამ აუქციონზე გაიტანა, მოედნის და სკვერის გაკეთებას ითხოვს.

მოსახლეობა ამბობს, არჩევნებამდე იყო დაპირება, რომ აღნიშნულ ტერიტორიაზე მოეწყობოდა სტადიონი და სკვერი, თუმცა დაპირება დაპირებად დარჩა.

"ჩვენ ვითხოვთ, რომ მოეწყოს სპორტული მოედნები, გაკეთდეს სკვერი. ჩვენ ამას გვპირდებოდნენ არჩევნებამდე. არჩევნების პერიდოში მოდიოდნენ და გვპირდებოდნენ, რომ ჩვენი მოთხოვნა შესრულდებოდა, თუმცა ეს დარჩა დაპირებად.

ტერიტორიას მერია უკვე ყიდის, რის შემდგომაც, სავარაუდოდ, ჩვენი მოთხოვნების დაკმაყოფილება შეუძლებელი იქნება", - განაცხადა აქციის მონაწილემ ირინა კიკნაძემ.

მოსახლეობის საპროტესტო აქციას მოძრაობა "ხალხისთვის" ლიდერი ანა დოლიძე შეუერთდა.

დოლიძემ მერიას მიმართა, რომ მოხდეს მოსახლეობის მოთხოვნების დაკმაყოფილება და აღნიშნულ ტერიტორიაზე არ დაიწყონ მშენებლობა.

"წლების განმავლობაში მოსახლეობა ითხოვს მწვანე სივრცეს ამ ტერიტორიაზე. აქ უნდა მოეწყოს სივრცე, სადაც ბავშვები შეძლებენ თამაშს. აქ ბავშვებს ქუჩაში უწევთ თამაში. მერიამ ეს ტერიტორია გამოიტანა აუქციონზე. შესაძლებელია იყოს რაიმე სახის შეთანხმება და გარიგება, მაგრამ ისე ნუ გააკეთებენ, რომ აქ მოსახლეობას თავზე დააშენონ კორპუსები.

მერიამ გაიტანა ეს ტერიტორია აუქციონზე, როგორც ჩანს არჩევნების დამთავრებას დაელოდა.

მივმართავ მერიას და იმ კერძო პირს, ვინც დააპირებს ამ ტერიტორიის შესყიდვას, ნუ წავა ჩვენი შვილების ჯანმრთელობის და მომავლის წინააღმდეგ"- , განაცხადა ანა დოლიძემ.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება