საქპატენტი Amazon-თან, Ebay-სთან, Alibaba-სთან და Rakuten-თან ურთიერთთანამშრომლობის შეთანხმების გაფორმებაზე მუშაობს

ევროკავშირის მიერ დაფინანსებული ტვინინგის პროექტის (GE/16 ENI EC 0318) - „საქართველოში გეოგრაფიული აღნიშვნების ეფექტური დაცვისა და კონტროლის სისტემის დანერგვა“ ფარგლებში, საქპატენტმა Amazon-თან, Ebay-სთან, Alibaba-სთან და Rakuten-თან ურთიერთთანამშრომლობის შესახებ შეთანხმება უნდა გააფორმოს. აღნიშნულ საკითხზე პროექტის მმართველი კომიტეტის რიგით მე-7 შეხვედრაზე 30 მარტს იმსჯელეს.

საქპატენტის ინფორმაციით, პროექტი, რომელიც ეხმარება საქართველოს უნიკალური მარკეტინგული ინსტრუმენტის, გეოგრაფიული აღნიშვნების სისტემის განვითარებასა და მასთან დაკავშირებული სარგებლის სრულფასოვნად გამოყენებაში, 2021 წლის 31 აგვისტოს დასრულდება. მათივე ცნობით, მომდევნო თვეების სამოქმედო გეგმა, რომელსაც ხელი მოეწერა კომიტეტის შეხვედრაზე, ითვალისწინებს ინტენსიური სამუშაოების განხორციელებას ინტერნეტ პლატფორმების მიმართულებით, რადგან ერთ-ერთი მნიშვნელოვანი გამოწვევაა ინტერნეტ სივრცეში ქართული გეოგრაფიული აღნიშვნების პროდუქტების გაყალბების ფაქტები.

„პროექტის ფარგლებში მუშავდება გეოგრაფიული აღნიშვნების სისტემის პოპულარიზაციასა და ცნობიერების ამაღლებაზე მიმართული აქტივობების გეგმა, რომელიც ითვალისწინებს ვიდეო რგოლების, ტუტორიალებისა და ანიმაციების შექმნას. ამავე გეგმით გათვალისწინებულია სხვადასხვა ტრენინგების ჩატარება თუ სამუშაო შეხვედრების გამართვა აღმასრულებელი უწყებების თანამშრომლებისთვის, როგორებიცაა ფინანსთა სამინისტროს საგამოძიებო სამსახური, საბაჟო დეპარტამენტი და მონიტორინგის სამსახური, ისინი, ვინც უფლებების აღსრულებასთან დაკავშირებულ საკითხებზე მუშაობენ. ასევე, სერტიფიცირებისა და კონტროლის განხორციელების მექანიზმების საკითხებზე ჩატარდება ტრენინგები მწარმოებლებისათვის, საქართველოს გარემოს დაცვისა და სოფლის მეურნეობის სამინისტროს, ღვინის ეროვნული სააგენტოსა და სურსათის ეროვნული სააგენტოს თანამშრომლებისათვის,“-ნათქვამია საქპატენტის ინფორმაციაში.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა