ლევან სამუშია - პრემიერი ღარიბაშვილი ზიზღისა და ძალადობის პოლიტიკას აწარმოებს, სხვა მეტი „ქართულ ოცნებას“ არაფერი დარჩენია
პრემიერ-მინისტრი ღარიბაშვილი ზიზღისა და ძალადობის პოლიტიკას აწარმოებს, სხვა მეტი „ქართულ ოცნებას“ არაფერი დარჩენია, - ამის შესახებ „ლელო საქართველოსთვის“ წევრმა, ლევან სამუშიამ ჟურნალისტებთან განაცხადა.
მისივე თქმით, მმართველ პარტიას „ხელისუფლება მოპარული აქვს“.
„როდესაც პრემიერ-მინისტრია ღარიბაშვილი, ჩვენ ძალიან კარგად ვიცით ღარიბაშვილის ქმედებები. ის მხოლოდ და მხოლოდ ზიზღისა და ძალადობის პოლიტიკას აწარმოებს, სხვა მეტი „ქართულ ოცნებას“ არაფერი არ დარჩენია, ხელისუფლება მოპარული აქვს.
ვოლსკის რეაქციის, რა რეაქციაც აქტივისტების მიმართ ჰქონდა, „გაპრავებას“ ცდილობდნენ „ქართული ოცნების“ წარმომადგენლები. ესაა პირდაპირ დირექტივა ზევიდან ქვევით“, - განაცხადა სამუშიამ.
