მიხეილ სარჯველაძე - ნიკა მელიას ფაქტორი არ ყოფილა და ოპოზიციის მხრიდანაც კი არ უნდა ყოფილიყო წინაღობა მოლაპარაკებების შედეგიანად დასამთავრებლად

რიგი ოპოზიციური პარტიები მართლმსაჯულების ამ საქმეს განიხილავდნენ როგორც წინაღობას, ეს იყო შეცდომა, - ამის შესახებ ადამიანის უფლებათა კომიტეტის თავმჯდომარე მიხეილ სარჯველაძემ ნიკა მელიას საქმესთან დაკავშირებით, ჟურნალისტებთან განაცხადა.

მისი თქმით, არ აქვს ინფორმაცია რა შუამდგომლობას დააყენებს 8 აპრილს ჩანიშნულ სასამართლო სხდომაზე პროკურატურა.

სარჯველაძე აცხადებს, რომ პოლიტიკური მიზანშეწონილობით სამართლებრივი საკითხების გადაწყვეტა სწორი არ ჰგონია.

"ბატონი ნიკა მელიას ფაქტორი არ ყოფილა და ოპოზიციის მხრიდანაც კი არ უნდა ყოფილიყო წინაღობა მოლაპარაკებების შედეგიანად დასამთავრებლად, ასეთია, რეალობა. სამწუხაროა, რომ ხშირ შემთხვევაში, რიგი ოპოზიციური პარტიებისა მართლმსაჯულების ამ საქმეს განიხილავდნენ, როგორც წინაღობას. ეს არ იყო სწორი და ეს იყო შეცდომა. ეს არის რეალობა, რომელიც გვაქვს, ამის საფუძველზე შემდგომ პოლიტიკურ დებატებში და დისკუსიებში ამ საქმის გამოყენება მე არ მგონია, რომ სწორი იყოს. სხვა რაიმეს თქმა, ნამდვილად არ შემიძლია", - განაცხადა სარჯველაძემ.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა