ლევან ბეჟაშვილის განცხადებით, „განხილვადია“ საკითხი ნიკა მელიამ გირაო თავად გადაიხადოს, თუ ახალ არჩევნებთან დაკავშირებით „რაიმე ფორმულირებაზე შეთანხმება შედგება“

„ნაციონალური მოძრაობის“ ერთ-ერთი ლიდერის, ლევან ბეჟაშვილის განცხადებით, „განხილვადია“ საკითხი ნიკა მელიამ გირაო თავად გადაიხადოს, თუ მედიატორ დანიელსონის მიერ მომზადებულ შეთანხმების დოკუმენტში ახალ საპარლამენტო არჩევნებთან დაკავშირებით „რაიმე ფორმულირებაზე შეთანხმება შედგება“. ამის შესახებ ბეჟაშვილმა „პალიტრანიუსის“ გადაცემა „დღის ნიუსრუმში“ განაცხადა, თუმცა განმარტა, რომ ჯერჯერობით საკითხი ამ კუთხით დღის წესრიგში არ დამდგარა.

„ამ საკითხის განხილვა დღის წესრიგში არ დამდგარა, რადგან შესაბამისი შემოთავაზებაც არ ყოფილა - „ქართული ოცნება“ პირდაპირ უარს ამბობს ნებისმიერი სახის მოლაპარაკებაზე ვადამდელ საპარლამენტო არჩევნებთან დაკავშირებით, თუმცა თუ მოხდებოდა ჩვენი საერთაშორისო პარტნიორების შუამდგომლობით არჩევნებთან დაკავშირებულ რაიმე ფორმულირებაზე შეთანხმება, ბუნებრივია, ასევე განხილვადი იქნებოდა ნიკა მელიას მიერ გირაოს გადახდის საკითხი“, - განაცხადა ლევან ბეჟაშვილმა.

რაც შეეხება 8 აპრილს, ნიკა მელიას საქმეზე სასამართლოში ჩანიშნულ პროცესს, რომელზეც აღკვეთის ღონისძიების გადასინჯვაზე უნდა იმსჯელონ, ბეჟაშვილი იმედოვნებს, რომ „ქართულ ოცნებას“ ეყოფა გამბედაობა, პასუხისმგებლობას აიღებს და პოლიტიკურ მოწინააღმდეგეს საკანში აღარ გამოკეტავს.

„მოლოდინებზე საუბარი „ქართული ოცნების“ პირობებში რთულია იმიტომ, რომ არაადეკვატურ გადაწყვეტილებებს ძალიან ხშირად იღებენ ხოლმე, მითუმეტეს, როცა სასამართლოსთან გვაქვს საქმე. ძალიან კარგად ვიცით, რომ სასამართლო ხელისუფლება პრაქტიკულად არ არსებობს ქვეყანაში, თუმცა მიგვაჩნია რა, რომ ნიკა მელიას დაკავება თავის დროზე პოლიტიკური საკითხი იყო, ვფიქრობთ, რომ მისი გათავისუფლებაც პოლიტიკურად უნდა გადაწყდეს და ალბათ, „ქართულ ოცნებას“ მოუწევს ახლაც პოლიტსაბჭოზე იმსჯელოს ამ საქმეზე, როგორც დაკავების საკითხზე იმსჯელა და მიიღოს გონივრული გადაწყვეტილება.

ველოდებით, გაითვალისწინებენ ჩვენი დასავლელი პარტნიორების განცხადებებს, რომ თითოეული პოლიტპატიმარის მიერ გატარებული დღე საკანში არის სწორედ ქართული ინტერესების საწინააღდეგო და რუსების ინტერესებში“, - განაცხადა ლევან ბეჟაშვილმა.

რაც შეეხება იმას, რა მესიჯი იქნება ოპოზიციისთვის, თუ სასამართლო ნიკა მელიას 8 აპრილსაც პატიმრობაში დატოვებს, „ნაციონალური მოძრაობის“ ერთ-ერთი ლიდერის თქმით, „ამით საზოგადოება და პარტნიორები კიდევ ერთხელ თვალნათლივ დაინახავენ, რომ ხელისუფლებას დაგეგმილი აქვს ოპონენტებს სწორედ ამ ენით ესაუბროს, კრიზისის გადაწყვეტისთვის მიმდინარე მოლაპარაკებების დროს კი მძევლები აიყვანოს და შემდგომ მძევლებით ივაჭროს“.

„ახლა ველოდებით, რომ მათ ეყოფათ გამბედაობა, აიღებენ პასუხისმგებლობას და პოლიტიკურ მოწინააღმდეგეს საკანში კი არ გამოკეტავენ, არამედ მართლა პოლიტიკურ მოწინააღმდეგედ აღიარებენ, რის შემდეგაც დასხდებიან მასთან მოსალაპარაკებლად იმისთვის, რომ ვადამდელი საპარლამენტო არჩევნების თარიღი განისაზღვროს“, - აღნიშნა ლევან ბეჟაშვილმა.

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 21.04.2021
მსოფლიო 2021 წლის ინტელექტუალური საკუთრების დღეს სლოგანით  - „ინტელექტუალური საკუთრება და მცირე და საშუალო საწარმოები: თქვენი იდეების კომერციალიზაცია“ აღნიშნავს
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა