გია ვოლსკი - გიორგი გახარიამ ხალხის საკმაოდ პოზიტიური დამოკიდებულება მაშინ მიიღო, როცა პრემიერი იყო - გადადგომის შემდეგ ერთხელ გამოჩნდა და რეიტინგი ეკრანზე ერთი გაელვებით არ მიუღია

რეალობა არის ის, რომ გიორგი გახარიამ ხალხის საკმაოდ პოზიტიური დამოკიდებულება მაშინ მიიღო, როცა ის პრემიერ-მინისტრი იყო - საზოგადოებივი აზრის კვლევაც სწორედ ამ პერიოდშია ჩატარებული, - ასე ეხმაურება პარლამენტის პირველი ვიცე-სპიკერი გია ვოლსკი, “საერთაშორისო რესპუბლიკური ინსტიტუტის“ (IRI) კვლევებში გიორგი გახარიასადმი მოწონების მაღალ მაჩვენებელს.

აქვე ვოლსკიმ ხაზგასმით აღნიშნა, რომ პირადად მისი და “ქართული ოცნების“ გუნდის დამოკიდებულება გიორგი გახარიას მიერ გადადგმული ნაბიჯის მიმართ მკვეთრად უარყოფითია.

“მას ჩემი პირადი სიმპატია და მთელი გუნდის მხარდაჭერა, გვერდში დგომა გარანტირებული ჰქონდა, რაც პრემიერ-მინისტრის წარმატებისთვის საგანგებოდ მნიშვნელოვანია, თუმცა როცა საქმე პრინციპულ მომენტზე მიდგა, მისი ქცევა მისაღები არ არის. როგორ აღიქვამს ამას საზოგადოება, არ ვიცი, რადგან ამ პერიოდის კვლევა არ ჩატარებულა. გახარია თანამდებობიდან გადადგომის შემდეგ ერთხელ, მოკლე კომენტარით გამოჩნდა და მას ასეთი რეიტინგი ეკრანზე ერთი გაელვებით არ მიუღია“, - განაცხადა ვოლსკიმ ჟურნალისტებთან საუბრისას.

“ქართული ოცნების“ ერთ-ერთმა ლიდერმა ისიც აღნიშნა, რომ “გახარია ელექტორატის ხმებს წაიღებს, თუმცა არ არის აუცილებელი, რომ ეს მხოლოდ “ქართული ოცნების“ ხმები იყოს“.

“არის საზოგადოების ნაწილი, რომელიც ახალი პოლიტიკური ძალის გამოჩენას მიესალმება“, - დასძინა გია ვოლსკიმ.

“საერთაშორისო რესპუბლიკური ინსტიტუტის“ (IRI) ახალი კვლევის თანახმად, გიორგი გახარია მოწონების რეიტინგში კათოლიკოს-პატრიარქის შემდეგ მეორე ადგილზეა. ყოფილი პრემიერ-მინისტრი გამოკითხულთა 65%-ს მოსწონს.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით