დავით ჭიჭინაძე - ამ სრულიად  გაუაზრებელი კორონა ჩაკეტვებით „ოცნების“ მთავრობა  არსებული ეკონომიკური უძლურების დამარცხებას ცდილობს, სინამდვილეში კი, ქვეყანას კატასტროფისკენ მიაქანებს

ამ სრულიად გაუაზრებელი კორონა ჩაკეტვებით „ქართული ოცნების“ მთავრობა არსებული ეკონომიკური უძლურების დამარცხებას ცდილობს, სინამდვილეში კი, ქვეყანას კატასტროფისკენ მიაქანებს,- ამის შესახებ „ტრიბუნას“ ლიდერმა დავით ჭიჭინაძემ განაცხადა.

მისი თქმით, ხელისუფლება ცდილობს პრივილეგიები გარკვეულ პირებს მიანიჭოს.

„მაშინ, როდესაც ხალხი ბუნკერებისთვის გაწირეს, თავად „ქართული ოცნების“ „პრივილეგირებულმა ფენამ” საკუთარი ცხოვრება მოიწყო. მათთვის არანაირი შეზღუდვა არ არსებობს, პანდემია არც მათ ჯიბეზე აისახება და არც მაცივარზე. ხალხს კი, მოსახლეობის 95%, ვინც სიღატაკეში იხრჩობა, ეუბნებიან, თავში ქვა გიხლიათ, როგორც გინდათ ისე გადარჩითო. თუმცა მათ ავიწყდებათ, რომ ქვეყანაში, სადაც არ არსებობს საშუალო, სტაბილური ფენა, სადაც ყველა ღატაკდება და ადამიანებს დასაკარგი აღარაფერი აქვთ. ხელისუფლების შენარჩუნება ძალიან ძნელია და ცვლილებები გარდაუვალი. მითუმეტეს, რომ ქვეყანა კატასტროფისკენ მიექანება და ვალებში იძირება. საგარეო ვალები ცალკე იზრდება, ადამიანების ვალები ცალკე, რადგან ბანკები საპროცენტო განაკვეთს თავის ჭკუაზე ზრდიან”,- განაცხადა დავით ჭიჭინაძემ.

როგორც ჭიჭინაძე აღნიშნავს, შემოსავლები მცირდება და კომუნალური გადასახადების ტარიფი იზრდება.

„ხელისუფლება, სადაც არ აქვთ ქვვეყნის ეკონომიკური გადარჩენის გეგმა, სამაგიეროდ აქვთ ძალაუფლება და ყველაზე სწორი გამოსავალი “ლოქდაუნი” ჰგონიათ და გაუაზრებელი ჩაკეტვები. ასე კი, მხოლოდ სამოქალაქო დაპირისპირებამდე მივალთ და თან მალე... ამიტომ არის არჩევნები ზუსტად ის მექანიზმი, რაც ბალანსსაც შეცვლის. სხვადასხვა პოლიტიკური ძალების ჩართულობაც მოხდება და პასუხისმგებლობასაც გადაანაწილებს. არა ის, რაც „ქართულ ოცნებას“ უნდა - ჰყავდეს 90 მონა და დანარჩენებს ეუბნებოდნენ, შემოდით და ამ მონებს დაექვემდებარეთო”,- აცხადებს დავით ჭიჭინაძე.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით