ნერგის სერტიფიცირების საკითხზე აჭარელ  ფერმერებს ტრენინგი ჩაუტარდათ

სოფლის მეურნეობის სამეცნიერო-კვლევითი ცენტრის წარმომადგენლებმა, ამერიკის შეერთებული შტატების საერთაშორისო განვითარების სააგენტოს (USAID) სოფლის მეურნეობის პროგრამის ფარგლებში, აჭარაში, ფერმერებს და აჭარის ა/რ სოფლის მეურნეობის სამინისტროს ა(ა)იპ აგროსერვის ცენტრის თანამშრომლებს სარგავი მასალის სერტიფიცირების საკითხებზე ტრენინგი ჩაუტარეს. ამის შესახებ ინფორმაციას სოფლის მეურნეობის სამეცნიერო-კვლევითი ცენტრი ავრცელებს.

მათივე ცნობით, მენერგეებს სერტიფიცირებული სარგავი მასალის წარმოების საერთაშორისო სტანდარტები, სანერგის კვალიფიციურობის მიღების კრიტერიუმები, ამ მიმართულებით მოქმედი საკანონმდებლო ბაზა და სანერგის მართვის სისტემები გააცნეს.

„ცენტრის თანამშრომლების მიერ შემუშავებული სანერგეში ჩასატარებელი სამუშაოების, სარგავი მასალის მოძრაობის და ფიტოსანიტარული ჟურნალების საერთაშორისო მოთხოვნების შესაბამისად წარმოება ასწავლეს.

სოფლის მეურნეობის სამეცნიერო-კვლევითი ცენტრი აგროსერვის ცენტრს, რომლის საკოლექციო ნარგაობაში ციტრუსოვანი და კენკროვანი კულტურების ძველი ქართული და უცხოური ჯიშებია დაცული, ჯიშების საერთაშორისო მახასიათებლებით (UPOV< CPVO, biodiversity international) აღწერაში, კატალოგის შექმნასა და საკოლექციო ნარგაობებეში დამაგრებაში დაეხმარება.

USAID-ის სოფლის მეურნეობის პროგრამა, რომელიც სახელმწიფოს საკანონმდებლო ბაზის ჰარმონიზაციაში ხელშეწყობას და სპეციალისტების გადამზადებას გულისხმობს, ასევე სანერგე მეურნეობებს შესაძლებლობების გაზრდასა და სერტიფიცირების სისტმების დანერგვაში ეხმარება.

საქართველოში სარგავი მასალების ნებაყოფლობითი სერტიფიცირების პროცესი 2017 წლიდან მიმდინარეობს, ევროპასთან ასოცირების ხელშეკრულებით ნაკისრი ვალდებულებების შესრულების ფარგლებში, თესლი და სარგავი მასალა 2024 წელს სავალდებულო სერტიფიცირებას დაექვემდებარება. სერტიფიცირების სისტემა უზრუნველყოფს ბაზარს ხარისხიანი სანერგე მასალით, ჩაანაცვლებს იმპორტირებულ მასალას, ხელს შეუწყობს ადგილობრივი ჯიშების პოპულარიზაციას და ექსპორტს და დაიცავს მომხმარებელს არაკეთილსინდისიერი მწარმოებლისგან“,- ნათქვამია ინფორმაციაში.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით