გია ვოლსკი - არც განმეორებითი, არც რიგგარეშე არჩევნების სურვილი ჩვენ ოპონენტებში არ იკითხება, რევოლუციური დესტაბილიზაციის სცენარი არის მთავარი და ამ სცენარს მიჰყვებიან

არანაირი არჩევნების, არც მორიგი, არც განმეორებითი და არც რიგგარეშე არჩევნების სურვილი ჩვენ ოპონენტებში არ იკითხება. რევოლუციური დესტაბილიზაციის სცენარი არის მთავარი და ამ სცენარს მიყვებიან, - ამის შესახებ პარლამენტის პირველმა ვიცე-სპიკერმა გია ვოლსკიმ ხელისუფლებასა და ოპოზიციას შორის უშედეგოდ დასრულებული მოლაპარაკებების მეორე რაუნდთან დაკავშირებით განაცხადა.

ვოლსკი აღნიშნავს, რომ იმ საკითხებზე, რომელიც დოკუმენტშია ასახული, შეთანხმება მცირე შესწორებით შესაძლებელია, თუ ამის სურვილი ორივე მხარეს ექნება.

„საკითხი არ არსებობს, სადაც ლოგიკური, პოზიტიური პოზიცია არ გაგვაჩნდეს. მცირეოდენი შესწორებით ხუთივე პუნქტზე შეიძლება ვიმუშაოთ და გვქონდეს შეთანხმება, თუ ამის სურვილი გაქვს. არანაირი არჩევნების, არც მორიგი, არც განმეორებითი და არც რიგგარეშე არჩევნების სურვილი ჩვენ ოპონენტებში არ იკითხება. რევოლუციური დესტაბილიზაციის სცენარი არის მთავარი და ამ სცენარს მიჰყვებიან.

მთავარია საზოგადოების განწყობა და საზოგადოების განწყობა, თუნდაც მათ მიერ სარწმუნოდ მიღებულ NDI-ის და IRI-ის კვლევებშიც ჩანს" , - განაცხადა ვოლსკიმ.

ცნობისთვის, ოპოზიციისა და ხელისუფლების მოლაპარაკებების მეორე რაუნდი უშედეგოდ დასრულდა. შეხვედრაზე მედიატორებმა პოლიტიკურ მხარეებს კრიზისიდან გამოსვლის თაობაზე მათ მიერვე მომზადებული დოკუმენტი გააცნეს, თუმცა, პოლიტიკურმა პარტიებმა დოკუმენტს ხელი არ მოაწერეს.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით