გია ვოლსკის განცხადებით, მაღალი რეიტინგი, რომელიც გიორგი გახარიას აქვს, იმ გუნდის დამსახურებაა, რომელთან ერთადაც მუშაობდა

პარლამენტის პირველი ვიცე-სპიკერის, გია ვოლსკის განცხადებით, მაღალი რეიტინგი, რომელიც ყოფილ პრემიერ-მინისტრ გიორგი გახარიააქვს, იმ გუნდის დამსახურებაა, რომელთან ერთადაც მუშაობდა.

როგორც ვოლსკი აღნიშნავს, ალბათ, იგივე მოსაზრება აქვს გიორგი გახარიასაც.

„დარწმუნებული ვარ, რომ თვითონ გახარიაც ასე ფიქრობს, რომ გუნდი რომელთან ერთადაც იმუშავა, მნიშვნელოვანწილად ხელს უწყობს არა მარტო მის დადებით რეიტინგს, არამედ მათაც, ვისაც დადებითი რეიტინგი აქვთ.

ვფიქრობ, რომ ნებისმიერ ჩვენთაგანს გუნდმა შეუწყო ხელი, მითუმეტეს, როცა პრემიერ-მინისტრი ხარ და უამრავი საკითხი გაქვს გარშემო, რომ არა გუნდი, შენი რეიტინგიც არ იარსებებს. დარწმუნებული ვარ, იგივე მოსაზრება აქვს გახარიასაც“ , - განაცხადა ვოლსკიმ.

შეგახსენებთ, რომ IRI - გამოკითხულთა 89%-ს ყველაზე მეტად პატრიარქი მოსწონს, გიორგი გახარია 65%-ს, კახა კალაძე 54%-ს.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით