ეკატერინე ტიკარაძის განცხადებით, პირბადის გამოყენების პროცენტული მაჩვენებლი დაწეულია, რესტორნებში კი რეგულაციები დაცული არაა

ჯანდაცვის მინისტრის, ეკატერინე ტიკარაძის განცხადებით, პირბადის გამოყენების პროცენტული მაჩვენებლი დაწეულია, რესტორნებში კი რეგულაციები დაცული არაა.

ტიკარაძე საზოგადოებას მაღალი სოციალური პასუხისმგებლობის გამოყენებისკენ მოუწოდებს.

„ჩვენი პირველი ნაბიჯი, თხოვნა და მოწოდება დღეის მდგომარეობით ჩვენი მოქალაქეების მიმართ არის ის, რომ მათ მკაცრად დაიცვან ყველა ის რეგულაცია, რომელიც მიწოდებულია ჯანდაცვის სამინისტროდან, დაავადებათა კონტროლის ცენტრიდან და შრომითი უსაფრთხოებიდან. ჩვენ ვაკვირდებით, თუ როგორ არის დაწეული პირბადის გამოყენების პროცენტი, ასევე სოციალური დისტანცირება, რომელსც ჩვენი მოქალაქეები საერთოდ აღარ იცავენ, ასევე არის დიდი აქტივობა რესტორნებში, სადაც არ არის დაცული ის რეგულაციები, რომელიც ვირუსის შესაკავებლად მნიშვნელოვანია. ჯანდაცვის სამინისტროს და ეპიდემიოლოგიების მიზანი ნამდვილად არ არის ის, რომ ჩვენ მუდმივად გავამკაცროთ რეგულაციები და მივმართოთ საბჭოს ჩაკეტვებისთვის. თუმცა, მნიშვნელოვანია, ჩვენმა მოქალაქეებმა გამოიჩინონ გულისხმიერება, მაღალი სოციალური პასუხისმგებლობა და დაიცვან ყველა ის წესი, რომელიც ქვეყანას შემდეგ „ლოქდაუნს“ ააცილებს“, - განაცხადა ტიკარაძემ.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა