ნიკა მელიას გირაოს გარეშე გათავისუფლება იქნება კიდევ ერთი დადასტურება იმის, რომ პოლიტიკური კრიზისის განმუხტვა ორმხრივი კომპრომისის საფუძველზე შესაძლებელია,- ამის შესახებ „მოქალაქეების" ერთ-ერთმა ლიდერმა ლევან იოსელიანმა ჟურნალისტებთან განაცხადა.
მისი თქმით, ნიკა მელიას ციხეში ყოფნა პოლიტიკური კრიზისის განმუხტვას ხელს უშლის.
„მე ვფიქრობ, რომ თუ ხვალ სასამართლო გაათავისუფლებს პატიმრობიდან ნიკა მელიას ყოველგვარი გირაოს და ზედმეტი მექანიზმების გარეშე, იქნება სწორი. ეს ხელს შეუწყობს პოლიტიკური კრიზისის განტვირთვისკენ გადადგმულ ნაბიჯებს. ეს იქნება კიდევ ერთი დადასტურება იმის, რომ პოლიტიკური კრიზისის განმუხტვა ორმხრივი კომპრომისის საფუძველზე შესაძლებელია. ნიკა მელია ციხეში ამ ყველაფერს ხელს უშლის,"- განაცხადა იოსელიანმა.
ცნობისათვის, ნიკა მელიას სასამართლო პროცესი 8 აპრილს არის ჩანიშნული.