პარლამენტის საგარეო ურთიერთობა კომიტეტის თავმჯდომარის ნიკოლოზ სამხარაძის ინფორმაციით, უკრაინის მიმართ მხარდამჭერი განცხადება გაკეთდება.

როგორც სამხარეძე განმარტავს, განცხადება, სავარაუდოდ, პარლამენტის კომიტეტის სახელით გაკეთდება, თუმცა, მისივე თქმით, ამაზე დამატებითი კონსულტაცია გაიმართება.

"უკრაინის თემაზე ჩემს კოლეგასთან ონლაინ შეხვედრა მქონდა. ვისაუბრეთ დონბასში განვითარებულ მოვლენებზე. ვისაუბრეთ იმ ერთობლივ ნაბიჯებზე, რომელიც საქართველომ და უკრაინამ საერთაშორისო ფორუმებზე უნდა გადადგას. ასევე ვისაუბრეთ, თუ რა შეიძლება გაკეთდეს ჩვენი მხრიდან იმისათვის, რომ უკრაინის მიმართ მხარდაჭერა გამოიხატოს. ჩვენ ამ ნაბიჯებზე შევთანხმდით. უახლოეს მომავლაში ჩვენი მხრიდან მათ მიმართ მხარდამჭერი განცხადება გაკეთდება", - განუცხადა ნიკოლოზ სამხარაძემ ჟურნალისტებს .