მიხეილ სარჯველაძე - სტრიქონებს შორის აზრს თუ ამოვიკითხავთ, ნიშნავს, რომ 2020 წლის 31 ოქტომბრის არჩევნების ნამდვილობასთან დაკავშირებით, საუბარი ერთხელ და სამუდამოდ უნდა დამთავრდეს

საქართველოს პარლამენტის ადამიანის უფლებათა დაცვის კომიტეტის თავმჯდომარის მიხეილ სარჯველაძის აზრით, ევროპარლამენტარების განცხადებებში მოწოდების მხარე „უპირველესად ოპოზიციაა“.

როგორც სარჯველაძემ „პალიტრანიუსის“ გადაცემაში „360 გრადუსი“ აღნიშნა, სტრიქონებს შორის აზრს თუ ამოვიკითხავთ, იმას ნიშნავს, რომ გასული წლის 31 ოქტომბრის არჩევნების ნამდვილობაზე საუბარი, უნდა დასრულდეს.

მისივე თქმით, მმართველი გუნდი აცნობიერებს გზავნილების მნიშვნელობას და ევროკავშირის დამოკიდებულება და ინტერესი ძალიან დიდია საქართველოს საკითხის მიმართ.

„რა თქმა უნდა, წავიკითხეთ და ვაცნობიერებთ იმ გზავნილების მნიშვნელობას, რომელიც მართლაც, რეალურად ჩანს და ძალზედ საინტერესოა. პირველი, რაც ამ შემთხვევაში ანგარიშგასაწევია არის ის, რომ ევროკავშირის დამოკიდებულება და ინტერესი საკითხის მნიშვნელობასთან დაკავშირებით არის ძალიან დიდი. საკმაოდ კარგად ფლობენ ინფორმაციას. ვფიქრობ, ახლა მათთვის ყველაფერი რეალურად ნათელია. საკმაოდ მკაფიოა გზავნილები, რომელიც კეთდება. ამ შემთხვევაში, ალბათ, მოწოდების მხარე, უპირველესად რა თქმა უნდა, მაინც ოპოზიციაა. მთავარი სტრესი, რაზეც არის ამ შემთხვევაში გაკეთებული, არის პარლამენტში შესვლის საჭიროება. სწორედ სტრიქონებს შორის აზრს თუ ამოვიკითხავთ, ზუსტად იმას ნიშნავს, რომ საუბარი ერთხელ და სამუდამოდ 2020 წლის 31 ოქტომბრის არჩევნების ნამდვილობასთან დაკავშირებით, უნდა დამთავრდეს“, - აღნიშნა მან.

ცნობისთვის, ევროპარლამენტარმა მარინა კალიურანდმა განცხადება გააკეთა და აღნიშნა, რომ "ევროკავშირის განცხადებებში სტრიქონებს შორის კითხვა უნდა ისწავლოთ".

"სამწუხაროდ, ევროკავშირის განცხადება ყოველთვის ისეთი ღია არ არის, როგორც ჩვენ ვართ ამ დისკუსიაში. შესაბამისად, ამიტომაც აქვს ევროკავშირს საკუთარი ენა და სამწუხაროდ, ევროკავშირის „ლიდერშიპი“ ყოველთვის არასდროს გამოხატავს შეშფოთებას ისე, რომ ეს ყველამ გაიგოს“, - აღნიშნა კალიურანდმა.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს