სტატისტიკის ეროვნულ სამსახურსა და თბილისის სახელმწიფო უნივერსიტეტის ეკონომიკის საერთაშორისო სკოლას შორის ურთიერთთანამშრომლობის მემორნადუმი გაფორმდა

საქართველოს სტატისტიკის ეროვნულ სამსახურსა და ივანე ჯავახიშვილის სახელობის თბილისის სახელმწიფო უნივერსიტეტის ეკონომიკის საერთაშორისო სკოლას (ISET) და ISET-ის კვლევით ინსტიტუტს შორის ურთიერთთანამშრომლობის მემორნადუმი გაფორმდა. ამის შესახებ „ინტერპრესნიუსს“ „საქსტატიდან“ აცნობეს.

მათივე ინფორმაციით, მემორანდუმს „საქსტატის” აღმასრულებელმა დირექტორმა გოგიტა თოდრაძემ და ეკონომიკის საერთაშორისო სკოლის დირექტორმა თამარ სულუხიამ ხელი მოაწერეს.

გაფორმებული დოკუმენტის თანახმად, ივანე ჯავახიშვილის სახელობის თბილისის სახელმწიფო უნივერსიტეტის ეკონომიკის საერთაშორისო სკოლის სტუდენტები უწყებაში სასწავლო პრაქტიკას გაივლიან. რაც მათ ცოდნის გაღრმავებაში და პრაქტიკული უნარ-ჩვევების გაუმჯობესებაში დაეხმარება. „საქსტატის“ აღმასრულებელი დირექტორის, გოგიტა თოდრაძის განცხადებით, ძალიან მნიშვნელოვანია უმაღლეს სასწავლებლებთან მსგავსი სახის თანამშრომლობა.

მისი თქმით, ეს ერთის მხრივ, ხელს შეუწყობს სტუდენტების აქტიურ ჩართულობას „საქსტატის“ საქმიანობაში, ხოლო მეორეს მხრივ, უწყებას საშუალება ეძლევა გამორჩეულ სტუდენტებს დასაქმების პერსპექტივა შეუქმნას.

„ივანე ჯავახიშვილის სახელობის თბილისის სახელმწიფო უნივერსიტეტის ეკონომიკის საერთაშორისო სკოლის (ISET) დირექტორის თამარ სულუხიას თქმით, „ISET-ისა და ISET-ის კვლევითი ინსტიტუტის მიერ „საქსტატთან“ თანამშრომლობის მემორანდუმის გაფორმება ადასტურებს მხარეებს შორის შეთანხმებას იმაზე, რომ ISET-ის კურსდამთავრებული ახალგაზრდა ეკონომისტები მნიშვნელოვანი რესურსია და საქსტატი უფრო აქტიურად ჩაერთვება მათთვის პრაქტიკული გამოცდილების უზრუნველყოფაში. ISET-ის კვლევითი ინსტიტუტი და საქსტატი კი ითანამაშრომლებენ ცოდნისა და გამოცდილების გაზიარების კუთხით. ISET-ის სახელით მადლობას ვუხდი საქსტატს ასეთი პროგრესული მიდგომისათვის.

მემორენდუმის მიზანია, მხარეების ერთობლივი ძალისხმევით და მხარდაჭერით, ხელი შეუწყოს სტუდენტების კვალიფაკაციის ამაღლებას და სათანადო პროფესიული უნარ-ჩვევების გამომუშავებას. მემორანდუმის ფარგლებში, ასევე განხორციელდება სამეცნიერო-კვლევით სფეროში თანამშრომლობის ხელშეწყობა, რაც გულისხმობს ცოდნისა და გამოცდილების გაზიარების მიზნით, ISET-ის კვლევითი ინსტიტუტის მკვლევარებს, აკადემიურ პერსონალსა და საქსტატის შესაბამისი დეპარტამენტების წარმომადგენლებს შორის ურთიერთობის გაღრმავებასა და ერთობლივი ღონისძიებების დაგეგმვას”, - ნათქვამია ინფორმაციაში.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით