დიმიტრი ხუნდაძის შეფასებით, ვაქცინაციის პროცესი საქართველოში, ისევე როგორც მსოფლიოში, იმ გეგმით არ წარიმართა, რაც თავიდანვე იყო განსაზღვრული

პარლამენტის ჯანდაცვის კომიტეტის თავმჯდომარის დიმიტრი ხუნდაძის შეფასებით, ვაქცინაციის პროცესი საქართველოში, ისევე როგორც ზოგადად მსოფლიოში, იმ გეგმით არ წარიმართა, რაც თავიდანვე იყო განსაზღვრული.

დეპუტატის აზრით, ეს სავარაუდოდ, საგანმანათლებლო-საინფორმაციო კამპანიის ნაკლებობამ განაპირობა, რაც უნდა გააქტიურდეს.

მისივე თქმით, ამის ერთ-ერთი მნიშვნელოვანი მიზეზია მსოფლიო ბაზარზე ვაქცინების დეფიციტი, როცა მწარმოებლები მოთხოვნას ვერ აკმაყოფილებენ.

„ეპიდვითარება საყურადღებოა. დინამიკა არის მზარდი - შეინიშნებოდა ნახტომისებური ზრდა.

საზოგადოებამ უნდა გაითავისოს, რომ მინიმალური წესების დაცვა სასიცოცხლოდ მნიშვნელოვანია. თუკი საზოგადოების მცირე ნაწილი ამ წესებს არ დაიცავს, ისინი შეიძლება საზოგადოების უდიდესი ნაწილის ჯანმრთელობისთვის გახდნენ საფრთხე და ზოგადად, ქვეყნის უსაფრთხოება დადგეს კითხვის ქვეშ. ამიტომ პასუხისმგებლობა ერთიანი უნდა იყოს. ვაქცინაციის პროცესი ბოლო პერიოდში საქართველოში გააქტიურდა. იმედი მაქვს, რომ იქნება მაქსიმალური ჩართულობა და დეფიციტს შევავსებთ", - განაცხადა დიმიტრი ხუნდაძემ.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 12.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
კახა ოქრიაშვილი - 15 მაისის აქციის სამზადისში აქტიურად ვარ ჩართული