სახალხო დამცველი ნინო ლომჯარია აზერბაიჯანელ ჟურნალისტთან, აფგან მუხთარლისთან შეხვედრას გეგმავს.

როგორც ლომჯარია ამბობს, მოსაზრებებს გამოძიების მიმდინარეობასთან დაკავშირებით ჟურნალისტისგან მოისმენს.

„უმნიშვნელოვანესი საქმეა, უკვე რამდენიმე წელია ჩვენს ანგარიშებში ხვდება. საქმე, რომელიც არ არის გამოძიებული და დასრულებული. საქმე, რომელსაც ჰქონდა და აქვს უზარმაზარი საერთაშორისო რეზონანსი. შესაბამისად, მე ვგეგმავ პირადად შევხვდე აფგან მუხთარლის და მისგან მოვისმინო სათქმელი. საინტერესოა, მისი მოსაზრებები მიმდინარე გამოძიებასთან დაკავშირებით“,- განაცხადა სახალხო დამცველმა.