9 აპრილის ტრაგედიასთან დაკავშირებით პარლამენტთან ოპოზიციური პოლიტიკური პარტიების წარმომადგენლები იკრიბებიან

სხვადასხვა ოპოზიციური პოლიტიკური პარტიების წარმომადგენლები საქართველოს პარლამენტთან 9 აპრილის ტრაგედიასთან დაკავშირებით იკრიბებიან.

როგორც "ინტერპრესნიუსს" "ნაციონალური მოძრაობის" ერთ-ერთმა ლიდერმა ზაალ უდუმაშვილმა განუცხადა, ისინი ამ ფორმით კიდევ ერთხელ მიაგებენ პატივს დაღუპულთა ხსოვნას.

მისივე განმარტებით, პოლიტიკური პარტიები პარლამენტთან მთელი ღამის განმავლობაში დარჩებიან.

"დღეს აქ შევიკრიბეთ იმისათვის, რომ კიდევ ერთხელ გამოვხატოთ ჩვენი პატივისცემა და ქედი მოვიხაროთ იმ პირების მიმართ, რომლებმაც თავი შესწირეს ამ ქვეყნის დამოუკიდებლობას და თავისუფლებას. აქ, ჩვენ, სხვადასხვა პარტიის პოლიტიკური ლიდერები ისედაც ვიკრიბებით ყოველდღიურად, იმისთვის, რომ გამოვხატოთ მხარდაჭერა იმ ადამიანების მიმართ, ვინც თვეებია კარვებში არიან და პროტესტს ამ ფორმით გამოხატავენ მიმდინარე რეჟიმის წინააღმდეგ. დღეს, განსაკუთრებით ბევრი ხალხი იქნება, რადგანაც 9 აპრილის დღეა",- განაცხადა ზაალ უდუმაშვილმა.

ცნობისთვის, 9 აპრილის ტრაგედიიდან 32 წელი შესრულდა. 1989 წლის 9 აპრილს, გამთენიისას, საბჭოთა კავშირის შეიარაღებული ძალების ნაწილებმა თბილისის ცენტრში, პარლამენტის შენობასთან, მშვიდობიანი საპროტესტო აქცია დაარბიეს, რასაც მსხვერპლი მოჰყვა.

დარბევის შედეგად 21 ადამიანი დაიღუპა. პარლამენტის წინ შეკრებილი ათასობით მოქალაქე დაუდგენელი შემადგენლობის გაზით მოიწამლა.

1991 წლის 9 აპრილს მაშინდელმა უზენაესმა საბჭომ საქართველოს სახელმწიფოებრივი დამოუკიდებლობის აღდგენა გამოაცხადა.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა