იაგო ხვიჩია - „გირჩის“ სამეფოს ვაკეთებთ, მეფე ჰერმან პირველი საბოა - ჩვენი ფულადი ერთეული გვექნება და დავის განმხილველი გვეყოლება

„გირჩის“ სამეფოს ვაკეთებთ, სადაც ჩვენი ფულადი ერთეული გვექნება, დავის განმხილველი გვეყოლება, რომელიც ჩვენ შორის კონფლიქტებს მოაგვარებს, - ამის შესახებ „გირჩის“ ერთ-ერთმა ლიდერმა იაგო ხვიჩიამ ტელეკომპანია „პალიტრანიუსის“ გადაცემა „360 გრადუსში“ განაცხადა.

მისივე თქმით, „გირჩის“ სამეფო თავისუფალი ადამიანების სივრცეა, რომლის მეფე ჰერმან პირველი საბოა.

„ფიზიკურად დავიღალეთ და რაღაც გვინდა დავამთავროთ. თუ შეთანხმდებით, კი ბატონო, შემოგიერთდებით, მაგრამ თუ ვერ თანხმდებით - ჩვენ ასეთი გეგმები გვაქვს... დღეს სამწუხაროდ, ამ გეგმებზე ვერ გეუბნებით, მაგრამ დავიწყებთ დისკუსიას „გირჩის“ ახალ ჯგუფში, „გირჩის“ სამეფოში, სადაც მხარდამჭერები არიან და მხარდამჭერებთან ერთად მთელ პროგრამას გავივლით, თუ რასაც გავაკეთებთ.

დიახ, მეფე ჰერმან პირველი საბოა. ამ დისკუსიასთან ერთად, ამ ჯგუფში მოხვედრისთვის საჭიროა, რომ ერთი ფულადი ერთეული „გირჩის“ ვალუტა გქონდეს. ჩვენ ვცდილობთ, ჩვენი საზოგადოების შექმნას ამ სახელმწიფოში, იმისთვის, რომ ჩვენნარი საზოგადოება გადარჩეს, საჭიროა ერთმანეთი დაინახონ, ამიტომ ჩვენ „გირჩის“ სამეფოს ვაკეთებთ, სადაც ჩვენი ფულადი ერთეული გვექნება, დავის გამხილველი გვეყოლება, რომელიც ჩვენ შორის კონფლიქტებს მოაგვარებს. ჩვენ გვინდა თავისუფალი ადამიანებისთვის სივრცე შევქმნათ“, - განაცხადა ხვიჩიამ.

იხილეთ ვიდეო:„გირჩის“ სამეფოს ვაკეთებთ, მეფე ჰერმან პირველი საბოა - ჩვენი ფულადი ერთეული გვექნება და დავის განმხილველი გვეყოლება - იაგო ხვიჩია

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა