გიორგი ვაშაძე - საქართველო დღეს დიდი გამოწვევების წინაშეა, სამწუხაროდ, ისევ გახლეჩილია ერი

დამოუკიდებლობის გზა, რომელიც 30 წლის წინ დაიწყო, ჯერ კიდევ გრძელდება. რეალური თავისუფლება უნდა მოვიპოვოთ, - ამის შესახებ „სტრატეგია აღმაშენებლის“ ლიდერმა, გიორგი ვაშაძემ 1989 წლის 9 აპრილის ტრაგედიაზე საუბრისას განაცხადა.

როგორც გიორგი ვაშაძე აცხადებს, საზოგადოება დღეს ისევ გახლეჩილია.

„პირველ რიგში, გამოვხატოთ მადლიერება ყველა იმ ადამიანთა მიმართებაში, ვინც თავისი წვლილი შეიტანა ჩვენ დამოუკიდებლობაში. გილოცავთ 9 აპრილს, 9 აპრილი არის დღე, როდესაც აღდგა ჩვენი დამოუკიდებლობა, ეს არის დღე, რომელიც არის ეროვნული თანხმობის, ერთიანობის სიმბოლო. როდესაც ერთად ვდგავართ, ჩვენ ყველაფერი შეგვიძლია, ჩვენ შეგვიძლია უძლიერესი სახელმწიფო ავაშენოთ.

ვფიქრობ, დამოუკიდებლობის გზა, რომელიც 30 წლის წინ დაიწყო, ჯერ კიდევ გრძელდება. რეალური თავისუფლება უნდა მოვიპოვოთ, უნდა ავაშენოთ ძლიერი სახელმწიფო, სადაც ძლიერი ოჯახები იქნებიან, ძლიერი ადამიანები.

საქართველოს თითოეული მოქალაქე იგრძნობს, რომ მისთვის ეს არის ქვეყანა, სადაც საკუთარი თავის რეალიზება შეუძლია. ეს გზა გრძელდება, ის დიდი ღვაწლი, რაც ჩადეს ადამიანებმა, საკუთარი სიცოცხლე შეწირეს ჩვენს დამოუკიდებლობას, ეს ჩვენ უნდა გავიაზროთ, როგორც მნიშვნელოვანი წინამძღვარი, რაც გასაკეთებელი გვაქვს. საქართველო დღეს ძალიან დიდი გამოწვევების წინაშეა, სამწუხაროდ, ისევ გახლეჩილია ერი, საზოგადოება. ეს დღე უნდა იყოს სიმბოლო, როდესაც ყველა ერთად ვართ“, - აცხადებს ვაშაძე.

შეგახსენებთ, რომ 1989 წლის 9 აპრილის ტრაგედიიდან 32 წელი შესრულდა. 1989 წლის 9 აპრილს, გამთენიისას, საბჭოთა კავშირის შეიარაღებული ძალების ნაწილებმა თბილისის ცენტრში, პარლამენტის შენობასთან, მშვიდობიანი საპროტესტო აქცია დაარბიეს, რასაც მსხვერპლი მოჰყვა.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 23.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
კახა ოქრიაშვილი - 2021 წელს 43%-იანი პლებისციტის დანიშვნა ნიშნავს იმას, რომ 2020 წლის საპარლამენტო არჩევნები არ დასრულებულა
„ლუტეცია ჯგუფი“ ვახტანგ ფხაკაძის სახელობის საქველმოქმედო ფონდს აარსებს
ახალი სერვისი არააქტიური მოპოვების ლიცენზიის მფლობელებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“