გურამ მაჭარაშვილი - შესაძლებლობა არსებობს, რომ ოპოზიცია ინდივიდუალურად თუ კოლექტიურად პარლამენტში შემობრძანდეს და ჩვენი ოპონირება დაიწყოს

ყველა შესაძლებლობა არსებობს იმისთვის, რომ ოპოზიცია ინდივიდუალურად თუ კოლექტიურად პარლამენტში შემობრძანდეს და ჩვენი ოპონირება პარლამენტში დაიწყოს, - ეს განცხადება ჟურნალისტებთან "ქართული ოცნების" დეპუტატმა გურამ მაჭარაშვილმა გააკეთა.

მისივე თქმით, მმართველი გუნდის მოლოდინია, რომ პოლიტიკური შეთანხმება შედგეს.

"მოცემულობა ბევრჯერ ყოფილა ისეთი, რომ იყო პოლიტიკური შეთანხმების შესაძლებლობა, თუმცა სამწუხაროდ, ოპოზიციის რადიკალურ ფრთას, ეს შესაძლებლობა არასდროს გამოუყენებია. ეს ჩვენმა ევროპელმა მეგობრებმა კარგად გაიგეს. "ქართული ოცნების" მხრიდან მაქსიმუმი გაკეთდა, რომ ეს შესაძლებლობა გამოყენებულიყო. ახლაც არ ვართ უიმედოდ. გვაქვს მოლოდინი, რომ თუნდაც ამ რადიკალურ ფრთაში გამოჩნდებიან პოლიტიკოსები, რომლებიც გაათვიცნობიერებენ, რომ არიან ხალხის რჩეულები და მუშაობა პარლამენტში უნდა გააგრძელდეს. რეფორმები, რაც მათი სურვილია, პარლამენტის მიერ უნდა გატარდეს და არა ქუჩაში. ჩვენ მზად ვართ იმ ნაბიჯებისთვის, რაც აუცილებელია, რომ ქვეყანა განვითარდეს", - განაცხადა გურამ მაჭარაშვილმა.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ბაქოში ევროპის ჩემპიონატის თასი ჩაიტანეს