შსს-მ „ფორმულას“ თანამშრომლის ავტომანქანის დაზიანების საქმეზე საგამოძიებო ღონისძიებები დაიწყო
შსს-მ „ფორმულას“ თანამშრომლის ავტომანქანის დაზიანების საქმეზე საგამოძიებო ღონისძიებები დაიწყო. ამის შესახებ ინფორმაციას შსს ავრცელებს.
მათივე ცნობით, ავტომობილის მფლობელი ტელეკომპანია „ფორმულას“ მძღოლი გამოიკითხა.
„შინაგან საქმეთა სამინისტროს ქვემო ქართლის პოლიციამ, სოფელ გამარჯვებაში ერთ-ერთი მოქალაქის კუთვნილი ავტომობილის დაზიანების შესახებ შეტყობინების მიღებისთანავე საგამოძიებო ღონისძიებები დაიწყო. გამოიკითხა ავტომობილის მფლობელი, რომელმაც აღნიშნა, რომ ტელეკომპანია „ფორმულას“ მძღოლია.
მომხდარ ფაქტზე გამოძიება სისხლის სამართლის კოდექსის 187-ე მუხლით მიმდინარეობს.
რაც შეეხება მეორე ფაქტს, რაზეც ტელეკომპანია „ფორმულა“ საუბრობს, შინაგან საქმეთა სამიინისტროში აღნიშნულ ფაქტთან დაკავშირებით შეტყობინება არ შემოსულა, ინფორმაციის მიღებისთანავე, უწყება მოახდენს შესაბამის სამართლებრივ რეაგირებას“,- ნათქვამია ინფორმაციაში.
შეგახსენებთ, რომ ტელეკომპანია „ფორმულას“ ინფორმაციით, ორ თანამშრომელს თავს დაესხნენ და მათზე ფიზიკურად იძალადეს. ერთ-ერთ მათგანს ფიზიკურად გაუსწორდნენ, მეორეს კი მანქანა დაუმტვრიეს.
