თბილისში მცხოვრებ დევნილებთან შეხვედრა გაიმართა

საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილე გიორგი წოწკოლაური და დევნილთა სააგენტოს დირექტორი ბესარიონ სიმონიშვილი, ნაძალადევის მაჟორიტარ დეპუტატთან მიხეილ ყაველაშვილთან ერთად, ყოფილი სანატორიუმი „ქართლის“ შენობაში მცხოვრებ იძულებით გადაადგილებულ ოჯახებს შეხვდნენ. აღნიშნულის შესახებ „ინტერპრესნუსს“ ჯანდაცვის სამინისტროდან აცნობეს.

როგორც ბესარიონ სიმონიშვილმა განაცხადა, დევნილების მთავარ მოთხოვნას საცხოვრებლით უზრუნველყოფა წარმოადგენს.

„აღნიშნული ოჯახები მართლაც მძიმე პირობებში ცხოვრობენ, ამიტომ მათი მოთხოვნა ჩვენთვის სავსებით გასაგებია. წლების განმავლობაში, თბილისში დევნილებისთვის ბინის გადაცემა მთავრობის განკარგულებით იყო აკრძალული, რამაც პრობლემა კიდევ უფრო გაამწვავა. 2013 წლიდან ეს შეზღუდვა მოიხსნა, რის შედეგადაც მხოლოდ თბილისში, ათასობით ოჯახს უკვე გადავეცით ბინა და ეს პროცესი გრძელდება. დღეს, ადგილზე ვიმყოფებოდით და დევნილებს კიდევ ერთხელ განვუმარტეთ, რომ მათი და მსგავს პირობებში მცხოვრები ოჯახების, უახლოეს პერიოდში განსახლების მიზნით, აქტიური მუშაობა მიმდინარეობს“, - განაცხადა ბესარიონ სიმონიშვილმა.

ბოლო 8 წლის განმავლობაში, საცხოვრებელი 23 000-მდე დევნილ ოჯახს უკვე გადაეცა, მომდევნო 4 წელიწადში კი, დამატებით 13 000 ოჯახი განსახლდება.

შეხვედრები თბილისში, ყოფილი სასტუმროების „ოქროს საწმისისა“ და „უშბას“ შენობებში მცხოვრებ დევნილ ოჯახებთანაც გაიმართა.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!