პარლამენტის საგარეო ურთიერთობების კომიტეტის თავმჯდომარე ნიკოლოზ სამხარაძე სმოლენსკის ტრაგედიის 11 წლისთავს ეხმაურება.
„ვიხსენებთ სმოლენსკის ტრაგედიის მსხვერპლს და საქართველოს უდიდეს მეგობარსა და მხარდამჭერს, პრეზიდენტ ლეხ კაჩინსკის“, - წერს სამხარაძე სოციალურ ქსელ „ტვიტერში“.
სმოლენსკის ავიაკატასტროფიდან 11 წელი გავიდა. 2010 წლის 10 აპრილს რუსეთის ქალაქ სმოლენსკის მახლობლად თვითმფრინავი Ту-154 ჩამოვარდა, რომლის ბორტზეც პოლონეთის პრეზიდენტი ლეხ კაჩინსკი იმყოფებოდა. კატასტროფას 96 ადამიანი ემსხვერპლა.