თბილისში, ფიროსმანის ქუჩაზე, სადგურის მოედნის მიმდებარე ტერიტორიაზე ხანძარი ლიკვიდირებულია. ამის შესახებ „ინტერპრესნიუსს“ საგანგებო სიტუაციების მართვის სამსახურში განუცხადეს.

ფიროსმანის ქუჩაზე მდებარე ღია ბაზრობაზე ხანძარი ცოტახნის წინ გაჩნდა.

„ადგილზე მობილიზებული იყო სახანძრო-სამაშველო სამსახურის ოთხი ეკიპაჟი. ხანძარი ამ დროისთვის ლიკვიდირებულია. ხანძრის შედეგად არავინ დაშავებულა“,- აცხადებენ საგანგებო სიტუაციების მართვის სამსახურში.