"ლელო საქართველოსთვის" ლიდერები საქართველოში ევროკავშირის წარმომადგენლობის ოფისში იმყოფებიან. მამუკა ხაზარაძე და ბადრი ჯაფარიძე, სავარაუდოდ, ევროკავშირისა და აშშ-ის ელჩებს ხვდებიან.

"ელჩებთან ხშირად დავდივართ. ძალიან ჩვეულებრივი სამუშაო შეხვედრაა", - განაცხადა ჯაფარიძემ.

მანამდე, ევროკავშირის წარმომადგენლობის ოფისში საქართველოს პარლამენტის თავმჯდომარე არჩილ თალაკვაძე იმყოფებოდა. აღსანიშნავია, რომ თალაკვაძემ ევროკავშირის წარმომადგენლობა მედიასთან კომენტარის გარეშე დატოვა. ჟურნალისტებმა ადგილზე მხოლოდ პარლამენტის თავმჯდომარის ავტომობილისა და დაცვის წევრების ნახვა შეძლეს. თავად პარლამენტის პრესსამსახურში აცხადებენ, რომ შეხვედრის თაობაზე ინფორმირებული არ არიან.