ანა ნაცვლიშვილი - რასაც შს სამინისტროს თანამშრომლები რიონის ხეობაში აქტივისტების მიმართ ახორციელებენ, დანაშაულია და ამაზე კონკრეტულმა პირებმა და უწყებებმა პასუხი უნდა აგონ!

მთავარი პროკურატურისგან მოვითხოვ იმ დანაშაულებთან დაკავშირებით უსწრაფეს რეაგირებას, რომელიც რიონის ხეობაში ხდება, - ამის შესახებ „ლელო საქართველოსთვის“ ერთ-ერთმა ლიდერმა, ანა ნაცვლიშვილმა ჟურნალისტებთან განცხადა.

მისივე თქმით, რიონის ხეობაში აქციის მონაწილეებს პროვოკაციას უწყობენ, ამის შემდეგ კი აქტივისტების მიმართ სისხლის სამართლებრივი, ან ადმინისტრაციული დევნა იწყება.

„მთავარი პროკურატურისგან მოვითხოვ იმ დანაშაულებთან დაკავშირებით უსწრაფეს რეაგირებას, რომელიც ამ დღეების განმავლობაში რიონის ხეობაში ხდება. რასაც შს სამინისტროს თანამშრომლები რიონის ხეობაში აქტივისტების მიმართ ახორციელებენ, სისხლის სამართლის დანაშაულია და ამაზე კონკრეტულმა პირებმა და უწყებებმა პასუხი უნდა აგონ!

ყველაფერი მიდის იქითკენ, რომ ვითარება დაიძაბოს, აქტივისტები ჩათრეულ იყვნენ პროვოკაციაში და შემდეგ სისხლის სამართლებრივი ან ადმინისტრაციული დევნა დაიწყოს.

მოვუწოდებ პროკურატურას, იქამდე, ვიდრე ვითარება უკიდურესად დაიძაბება, სამართლებრივი რეაგირება სასწრაფოდ მოახდინონ“, - განაცხადა ნაცვლიშვილმა.

ცნობისთვის, „ნამახვანჰესის“ კასკადის მშენებლობის წინააღმდეგ რიონისპირა სოფლების მცხოვრებლებმა საზოგადოებრივი მოძრაობა „რიონის ხეობის გადარჩენისთვის“ დააფუძნეს. ისინი „ნამახვანჰესის“ მშენებლობას ამ დრომდე აპროტესტებენ.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა