აფხაზეთის ავტონომიური რესპუბლიკის მთავრობის შენობასთან, სადაც სამოქალაქო აქტივისტები ოკიპირებული აფხაზეთიდან გადმოსულებისთვის 5 - დღიანი სავალდებულო კარანტინის გაუქმებას მოითხოვდნენ, ამ დროისთვის სიმშვიდეა.
სამოქალაქო აქტივისტებსა და აფხაზეთის ავტონომიური რესპუბლიკის მთავრობის წარმომადგენელს შორის შეხვედრა 16:00 საათზე ჩაინიშნა.
მანამდე კი, სამართალდამცველებსა და აქტივისტებს შორის დაპირისპირება მოხდა. სამოქალაქო აქტივისტები შენობაში შესვლას და აფხაზეთის ავტონომიური რესპუბლიკის მთავრობის წარმომადგენელთან შეხვედრას ითხოვდნენ, რისი უფლებაც სამართალდამცველებმა არ მისცეს.
აქციის მონაწილის თქმით, დაკავებულია 6 აქტივისტი.