ამირან გამყრელიძე - ქვეყანაში „სინოფარმის“ გამოყენების სრული ლეგალური საფუძველი არის, მაგრამ ჯანმრთელობის მსოფლიო ორგანიზაციის მხრიდან აღიარება მაინც საჭიროა

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, ქვეყანაში „სინოფარმის“ გამოყენების სრული ლეგალური საფუძველი არის, მაგრამ ჯანმრთელობის მსოფლიო ორგანიზაციის მხრიდან აღიარება მაინც საჭიროა.

როგორც მან დაავადებათა კონტროლის ეროვნულ ცენტრში გამართულ ბრიფინგზე განმარტა, იმ შემთხვევაში, თუ რომელიმე ვაქცინა ავტორიზაციას ვერ მიიღებს, აღნიშნულ საკითხზე საქართველოს იმუნიზაციის საბჭო იმსჯელებს და სათანადო გადაწყვეტილებას მიიღებს.

„8-ვე ვაქცინა ავტორიზირებულია თავიანთი ქვეყნების მიერ და ზოგიერთი სხვა მარეგულირებლის მიერ, გადაუდებელ მდგომარეობაში გამოყენებისთვის. გადაუდებელი მდგომარეობებია ეპიდემიები, პანდემიები, ომები და კიდევ სხვა. საქართველოს კანონმდებლობა გულისხმობს, რომ გადაუდებელი მდგომარეობის დროს შეგიძლიათ წამალი, ვაქცინა ან სხვა სამედიცინო დახმარების საშუალება ადგილობრივი მარეგულირებლის გადაწყვეტილებით, ყოველგვარი საერთაშორისო აღიარების გარეშე გამოიყენოთ, თუ მას მწარმოებლის ავტორიზაცია აქვს და განიხილება შენი მარეგულირებლის მიერ წრმოდგენილი დოკუმენტები. ქვეყანაში „სინოფარმის“ გამოყენების სრული ლეგალური საფუძველი არის, მაგრამ ჩვენ ჯანმრთელობის მსოფლიო ორგანიზაციის ავტორიზაცია დავურთეთ მასთან დაკავშირებით მოთხოვნებს. ყველა ვაქცინა, რაც რუტინულია, ანუ კალენდარული იმუნიზაციის დროს გამოიყენება, უკვე დიდი ხანია ვითხოვთ ჯანმრთელობის მსოფლიო ორგანიზაციის ავტორიზაციას ამ ვაქცინებისთვის. ამიტომაც, ბავშვებისთვის ქვეყანაში რა ვაქცინაც შემოდის, ისინი ავტორიზირებული არიან ჯანმრთელობის მსოფლიო ორგანიზაციის მიერ. უფრო სწორად, არა ავტორიზირებული, არამედ პრეკვალიფიცირებული. ეს უფრო მაღალი თამასაა, რომელიც დგინდება ვაქცინის რამდენიმე წლიანი გამოყენების შემდეგ“, - განაცხადა გამყრელიძემ.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
დმანისში განვითარებულ მოვლენებთან დაკავშირებით კახა ოქრიაშვილი განცხადებას ავრცელებს
USAID და Gazelle Finance მცირე და საშუალო მეწარმეების და საქართველოში ეკონომიკის აღდგენის მიზნით ახალ პროგრამას იწყებენ
"კრედო ბანკმა" European Fund for Southeast Europe (EFSE) და Green for Growth Fund (GGF)-ისგან საქართველოს რეგიონებში მცხოვრები მიკრო და მცირე მეწარმეების მხარდასაჭერად 51 მილიონი ლარი მოიზიდა
“მეამა ქოლექთის” ყავის უნიკალური კოქტეილები ბათუმშია