კობა გვენეტაძე - საბაზრო ეკონომიკის შემთხვევაში, საპროცენტო განაკვეთების პროგნოზირება შესაძლებელი არ არის

საბაზრო ეკონომიკის შემთხვევაში, საპროცენტო განაკვეთების პროგნოზირება შესაძლებელი არ არის, - ამის შესახებ ეროვნული ბანკის პრეზიდენტმა კობა გვენეტაძემ ჟურნალისტებს განუცხადა.

მისი თქმით, საპროცენტო განაკვეთი დამოკიდებულია იმაზე, ეკონომიკაში როგორი ზრდა იქნება, ფინანსური რისკები იქნება თუ არა და ა.შ.

„რაც შეეხება საპროცენტო განაკვეთს, როგორც აღვნიშნე, საპროცენტო განაკვეთის ძალიან დიდი შემცირება მოხდა. მოგეხსენებათ, საბაზრო ეკონომიკის პირობებში საპროცენტო განაკვეთს სხვადასხვა ფაქტორი განსაზღვრავს და თუ შევადარებთ საპენსიო სესხების პროცენტის იმ დონეს, რომელიც ახლა გვაქვს, ეს უკვე დიდად აღარ განსხვავდება იმ სახელფასო სესხებთან, რომელსაც საპენსიო ასაკის ქვემოთ ასაკის მოსახლეობა იღებს. ჩვენი მხრიდან შეგვიძლია ვთქვათ, რომ აბსოლუტურად ყველაფერი გავაკეთეთ ამ მიმართულებით.

სოციალური სააგენტოც იმსჯელებს ამაზე, რაც გასაკეთებელია, მაგრამ მნიშვნელოვანია ის, რომ მაქსიმალურად ყველაფერი გაკეთდა, რაც შეიძლებოდა. საპროცენტო განაკვეთთან დაკავშირებით ვერავინ გეტყვით რა იქნება საპროცენტო განაკვეთი, არა მარტო ამ სესხებზე, არამედ ნებისმიერ სესხზე. ეს დამოკიდებული იქნება იმაზე, როგორი ზრდა იქნება ეკონომიკაში, ფინანსური რისკები იქნება თუ არა, კოვიდ პანდემია დაიძლევა თუ არა. საბაზრო ეკონომიკის შემთხვევაში, საპროცენტო განაკვეთების პროგნოზირება შესაძლებელი არ არის“, - განაცხადა გვენეტაძემ.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა