ალეკო ელისაშვილი - პენსიონერებს იმ ბანკში უნდა ჩაერიცხოთ ფული, სადაც თვითონ უნდათ

პენსიონერებს იმ ბანკში უნდა ჩაერიცხოთ ფული, სადაც თვითონ უნდათ, რა ჯობს კონკურენცია თუ მონოპოლია?, - ამ შეკითხვით მიმართა „მოქალაქეების“ ლიდერმა ალეკო ელისაშვილმა, ჯანდაცვის მინისტრის მოადგილეს გიორგი წოწკოლაურს, საფინანსო-საბიუჯეტო კომიტეტის სხდომაზე, სადაც პენსიონერებისთვის სესხის პროცენტის საკითხთან დაკავშირებით მსჯელობენ.

ელისაშვილის განმარტებით, მოქალაქეებმა თავად უნდა გადაწყვიტონ, თუ რომელ ბანკში სურთ საპენსიო სესხის აღება.

„ადამიანებს ვანდოთ თვითონ გადაწყვიტონ, შესაბამისად ეს გააჩენს კონკურენციას. ძალიან მარტივია ამ საკითხის გადაწყვეტა. არ სჭირდება ამას კვანტური ფიზიკის ცოდნა. ბანკები თვითონ გაეჯიბრებიან ერთმანეთს. როდესაც პენსიონერი გაიგებს, რომ არა 36%-ში აძლევს ბანკი სესხს, არამედ 25%-ში, თავად გააკეთებს არჩევანს. შესაბამისად, გადაბარგდება პენსიონერების დიდი ნაწილი იმ ბანკში. ეს არის საბაზრო ეკონომიკის მადლი და ეს მადლი მოსპეთ თქვენმა სამსახურმა. თქვით, რომ ამ ბანკს ექნება და მორჩა. ან საქმე გვაქვს გარიგებასთან ან თქვენს სამსახურს ფიქრი არ უნდოდა, თუ როგორ შეიძლება უკეთესად გადაიჭრას ეს საკითხი“, - განაცხადა ალეკო ელისაშვილმა.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა
ბაქოში ევროპის ჩემპიონატის თასი ჩაიტანეს