ანა დოლიძე - ჩვენს ქვეყანაში ათწლეულების განმავლობაში მიდის გატყავება ყველაზე უფრო მოწყვლადი ფენის - ჩვენი პენსიონერების

400 000 პენსიონერი დღეს არის ჩაგდებული „ლიბერთი ბანკის" ხახაში, დღეს გამოჩნდა, რომ ჩვენი სახელმწიფო უწყებები შეკრულნი არიან ბოლომდე ბანკის ხელმძღვანელობასთან, - ამის შესახებ ჟურნალისტებთან „მოძრაობა ხალხისთვის“ ლიდერმა ანა დოლიძემ განაცხადა, რომელიც საფინანსო - საბიუჯეტო კომიტეტში, პენსიონერებისთვის საპროცენტო განაკვეთის შემცირების თაობაზე პარტია „მოქალაქეების" ინიციატივის შესახებ მსჯელობას დაესწრო.

მისი თქმით, თუ ამას მოჰყვება აქციები და წნეხი, შესაძლებელია, პროცენტის დაწევის მიმართულებით „ყინული დაიძრას და პენსიონერებს არ მოექცნენ როგორც გასატყავებელ მასალას“.

„ფაქტია, რომ ჩვენს ქვეყანაში ათწლეულების განმავლობაში მიდის გატყავება ყველაზე უფრო მოწყვლადი ფენის - ჩვენი პენსიონერების. მათთვის სესხი ორჯერ უფრო ძვირია ვიდრე საშუალო ასაკის ადამიანისთვის. პენსიონერი ყოველთვიური პენსიიდან დიდ თანხას ტოვებს ბანკში ისე, რომ შეიძლება საარსებო თანხაც არ დარჩეს. დღეს ჩვენ ნათლად დავინახეთ, რომ სახელმწიფოს არ აქვს სურვილი აიღოს ამ სიტუაციაზე პასუხისმგებლობა, ეროვნული ბანკი ამბობს, რომ ამაზე პასუხისმგებელი ჯანდაცვის სამინისტროა, ჯანდაცვის სამინისტრო ამბობს, რომ ეროვნული ბანკის პასუხისმგებლობაა პროცენტზე ზრუნვა“, - განაცხადა დოლიძემ.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა