თბილისის მერია - ალასანიას ქუჩაზე სკვერი მოეწყო

საბურთალოს რაიონში, ალასანიას ქუჩა N36-ის მიმდებარე ტერიტორიაზე სკვერი მოეწყო. აღნიშნულ ინფორმაციას დედაქალაქის მერია ავრცელებს.

მათივე ცნობით, პროექტის შედეგად, 1 500 კვადრატულ მეტრ ფართობზე მოეწყო LED განათების ქსელი, საჩრდილობელი, საფეხმავლო ბილიკები და საპარკე სკამები. ასევე, ბავშვებისთვის სხვადასხვა სახის ატრაქციონი დამონტაჟდა. ტერიტორიაზე გამწვანების სამუშაოებიც განხორციელდა.

დასრულებული სკვერი საბურთალოს რაიონის გამგებელმა გაიოზ ვასაძემ და მაჟორიტარმა დეპუტატმა დავით უთმელიძემ დაათვალიერეს.

„ამ დასახლებაში ეს ყველაზე დიდი სივრცეა, სადაც შესაძლებელი იყო სკვერის მოწყობა. სწორედ ამიტომ გადავწყვიტეთ ადგილობრივი მცხოვრებლებისთვის კეთილმოწყობილი, ლამაზი სივრცე შეგვექმნა. ვფიქრობ, ძალიან კარგი სკვერი გამოვიდა, სადაც მოსახლეობა დასვენებას, ბავშვები კი გართობას შეძლებენ“, - განაცხადა გაიოზ ვასაძემ.

სამუშაოები კომპანიამ „გრინსერვისი+“ შეასრულა. პროექტი საბურთალოს ბიუჯეტიდან 136 618 ლარით დაფინანსდა.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
“მეამა ქოლექთის” ყავის უნიკალური კოქტეილები ბათუმშია