„სტრატეგია აღმაშენებლის” ერთ-ერთი ლიდერის, სერგო ჩიხლაძის განცხადებით, სავარაუდოდ, კვირის ბოლომდე გახდება ცნობილი, თუ რა ფორმატით ჩატარდება ხელისუფლებისა და ოპოზიციის წევრებს შორის მოლაპარაკებების შემდგომი რაუნდი.
როგორც სერგო ჩიხლაძემ, „პალიტრანიუსის“ ეთერში, გადაცემაში „360 გრადუსი“ განაცხადა, შესაძლოა, მოლაპარაკებებში ევროკავშირის წევრი რამდენიმე ქვეყნის მინისტრი ჩაერთოს.
„დეტალები, კონკრეტულად რა ფორმატი იქნება, სავარაუდოდ, ამ კვირის ბოლომდე გამოჩნდება. ისევ დანიელსონის თუ მინისტრების ფორმატი, საქართველოს მეგობარი ევროკავშირის ქვეყნების 5-6 მინისტრი თუ სხვა.
ჩვენი პოზიციის ცვლილება არ მომხდარა. ჩვენ „სტრატეგია აღმაშენებელი“ ყოველდღიურ კონტაქტზე ვართ დიპლომატებთან, ყველაფერს ვაკეთებთ, ვარწმუნებთ მათ, რომ ეს პროცესი უფრო პროაქტიური გახდეს, კიდევ უფრო მეტი კომუნიკაცია ჰქონდეთ „ქართულ ოცნებასთან“ , რომ დაბრუნდნენ მოლაპარაკების მაგიდასთან“, - აცხადებს ჩიხლაძე.