ნათია თურნავამ პროგრამის „აწარმოე საქართველოში“ ბენეფიციარი საწარმო „ანაბეჭდი“ დაათვალიერა

ეკონომიკისა და მდგრადი განვითარების მინისტრმა პროგრამის „აწარმოე საქართველოში“ ბენეფიციარი საწარმო „ანაბეჭდი" დაათვალიერა. საწარმო ბრენდირებულ ტანსაცმელს აწარმოებს. ამის შესახებ „ინტერპრესნიუსს“ ეკონომიკისა და მდგრადი განვითარების სამინისტროდან აცნობეს.

შპს „ანაბეჭდი“ სააგენტოს ინდუსტრიული მიმართულების კომპონენტის ფარგლებში ფინანსური მხარდაჭერით სარგებლობს. პროგრამის „აწარმოე საქართველოში“ მხარდაჭერით კომპანიამ ცოტა ხნის წინ საქმიანობის გაფართოება შეძლო, კერძოდ, საწარმო აღჭურვა სპეციალური და უნივერსალური საკერავი მანქანა-დანადგარებით. შედეგად, წარმოების პროცესი უფრო სწრაფი გახდა, პროდუქცია კი - მეტად ხარისხიანი.

როგორც ეკონომიკისა და მდგრადი განვითარების მინისტრმა აღნიშნა, განსაკუთრებით მნიშვნელოვანია, რომ ეს საწარმო, ადგილობრივი წარმოება 45 ადამიანს ასაქმებს და სამომავლოდ კიდევ აპირებს წარმოების გაზრდას - ამ ეტაპზე „ანაბეჭდი“ წელიწადში 300 000 ცალზე მეტ უნიფორმას კერავს და პროდუქციის რეალიზებას სრულად ახდენს ადგილობრივ ბაზარზე.

„კომპანიას აქვს ძალიან კარგი გეგმები, რომ გაფართოვდნენ. შეიძინეს დანადგარები პროგრამა „აწარმოე საქართველოში“ დახმარებით, უნიკალურ პროდუქციას უშვებენ და ამარაგებენ ბაზრის 90%-ს - მათ შორის, უნიფორმებით. ძალიან ბევრი უნიფორმა, რომლებსაც ჩვენ ვხედავთ სხვადასხვა კომპანიებსა თუ დაწესებულებებში, სწორედ აქ იკერება. ეს არის ადგილობრივი წარმოების განვითარების ერთ-ერთი შედეგი, რასაც ჩვენ ყოველთვის შევუწყობთ ხელს“, - აღნიშნა ნათია თურნავამ.

კომპანია ძირითად აქცენტს აკეთებს საქართველოში წამყვანი კომპანიებისთვის უნიფორმების შექმნაზე, ესენი არიან: „აგროჰაბი“, „გუდვილი“, „ელიტ-ელექტრონიქსი“, „კარფური“, „დომინო“, „ისთ ფოინთი“ და სხვა. ამასთანავე, კომპანია მუშაობდა ისეთ უცხოურ ბრენდებზე, როგორიცაა: LUIGI MORINI, ICEBERG, IL GUFO, PAOLO PECORA და ა.შ.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
დმანისში განვითარებულ მოვლენებთან დაკავშირებით კახა ოქრიაშვილი განცხადებას ავრცელებს
USAID და Gazelle Finance მცირე და საშუალო მეწარმეების და საქართველოში ეკონომიკის აღდგენის მიზნით ახალ პროგრამას იწყებენ
"კრედო ბანკმა" European Fund for Southeast Europe (EFSE) და Green for Growth Fund (GGF)-ისგან საქართველოს რეგიონებში მცხოვრები მიკრო და მცირე მეწარმეების მხარდასაჭერად 51 მილიონი ლარი მოიზიდა
“მეამა ქოლექთის” ყავის უნიკალური კოქტეილები ბათუმშია