ევროპის საბჭოს კორუფციის წინააღმდეგ მებრძოლ სახელმწიფოთა ჯგუფმა პროკურატურის მიერ რეკომენდაციების შესრულების მდგომარეობა დადებითად შეაფასა

ევროპის საბჭოს კორუფციის წინააღმდეგ მებრძოლ სახელმწიფოთა ჯგუფმა (GRECO) საქართველოს შესახებ მეორე ანგარიში დაამტკიცა, რომელშიც GRECO-ს შეფასების მეოთხე რაუნდის ფარგლებში გაცემული რეკომენდაციების შესრულების მდგომარეობაა განხილული. ამის შესახებ ინფორმაციას გენერალური პროკურატურა ავრცელებს.

როგორც უწყებაში აღნიშნავენ, ანგარიშის მიხედვით, საქართველოს პროკურატურისთვის გაცემული სამი რეკომენდაციიდან, ორი შესრულებულად, ხოლო ერთი ნაწილობრივ შესრულებულად შეფასდა.

„GRECO-მ შესრულებულად მიიჩნია ორი რეკომენდაცია - რომლებიც პროკურორების დანიშვნა-დაწინაურების წესების გაუმჯობესებას, პროკურორთა ეთიკის კოდექსის იმპლემენტაციისთვის განხორციელებულ პრაქტიკულ ღონისძიებებს და დისციპლინურ საკითხებზე კომენტარების გამოცემას ეხება, ხოლო ნაწილობრივ შესრულებულად მიიჩნია მესამე რეკომენდაცია, რომელიც დისციპლინური გადაცდომების სიცხადის და სანქციების პროპორციულობის უზრუნველყოფას შეეხება. აღნიშნული რეკომენდაციის შესასრულებლად საქართველოს პროკურატურა აქტიურად განაგრძობს მუშაობას.

აღსანიშნავია, რომ GRECO-ს პირველი, 2019 წლის მარტში დამტკიცებული ანგარიშის მიხევდით, საქართველოს პროკურატურამ GRECO-ს მიერ გაცემული ორი რეკომენდაცია, რომელიც პროკურატურის რეფორმირებას და საქმეთა განაწილების წესის გაუმჯობესებას ეხებოდა, ასევე წარმატებით შეასრულა.

საქართველოს პროკურატურა განსაკუთრებულ ყურადღებას უთმობს ევროპის საბჭოს კორუფციის წინააღმდეგ მებრძოლ სახელმწიფოთა ჯგუფთან (GRECO) თანამშრომლობას და ამ მიმართულებით მუშაობა აქტიურად გაგრძელდება“, - აღნიშნულია პროკურატურის მიერ გავრცელებულ ინფორმაციაში.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა
ბაქოში ევროპის ჩემპიონატის თასი ჩაიტანეს