ელენე ხოშტარია - თუ გვინდა რაიმე სახის კრიზისის გადალახვაზე გავიდეთ, ნიკა მელია და გიორგი რურუა გარეთ უნდა იყვნენ და პოლიტიკური დევნა აღარ უნდა იყოს
წარმოდგენა არ მაქვს დღეს რეჟიმი რას გადაწყვეტს, ნიკა მელიას ციხეში ყოფნა პოლიტიკური პროცესისთვის, დემოკრატიისთვის, მართლმსაჯულების სისტემისთვის დიდი ზიანია, - ამის შესახებ პოლიტიკური მოძრაობა „დროას" ლიდერმა ელენე ხოშტარიამ ჟურნალისტებთან განაცხადა.
მისივე თქმით, თუ მმართველ გუნდს კრიზისის გადალახვა სურს, ნიკა მელია და გიორგი რურუა თავისუფალი უნდა იყვენენ.
„ნიკა მელიას ციხეში ყოფნა პოლიტიკური პროცესისთვის, დემოკრატიისთვის, მართლმსაჯულების სისტემისთვის დიდი ზიანია. წარმოდგენა არ მაქვს დღეს რეჟიმი რას გადაწყვეტს. ეს რეალურად ბიძინა ივანიშვილის გადაწყვეტილებაა, მაგრამ თუ ჩვენ გვინდა რაიმე სახის კრიზისის გადალახვაზე გავიდეთ, რა თქმა უნდა, ნიკა მელია და გიორგი რურუა გარეთ უნდა იყვნენ და პოლიტიკური დევნა აღარ უნდა იყოს", - განაცხადა ხოშტარიამ.
