რატი იონათამიშვილი - ვიმედოვნებ, რომ პარტიები სახელმწიფო ინტერესების სასარგებლო გადაწყვეტილებას მიიღებენ და არა რუსული ინტერესის, შესაბამისად, პარლამენტში შემოვლენ

ვიმედოვნებ, რომ პოლიტიკური პარტიები სახელმწიფო ინტერესების სასარგებლო გადაწყვეტილებას მიიღებენ და არა რუსული ინტერესის, შესაბამისად, პარლამენტში შემოვლენ, - ამის შესახებ საპარლამენტო უმრავლესობის წევრმა, რატი იონათამიშვილმა ჟურნალისტებთან განაცხადა.

როგორც მან აღნიშნა, საერთაშორისო პარტნიორების მთავარი მოწოდება სწორედ ეს არის, რომ პოლიტიკურმა პარტიებმა საქმიანობა პარლამენტში განაგრძონ.

"სხვა შემთხვევაში, ეს არის რუსული ინტერესების სამსახური და რუსული ინტერესების გატარება. პარტნიორები მუდმივად ცდილობენ, რომ კონკურენტ პარტიებს შორის შეთანხმება მოხდეს. მათი წარმომადგენლები კომუნიკაციაში არიან სხვადასხვა პარტიასთან. ეს არის მისასალმებელი, რადგან იმისათვის, რომ საქართველოს სასარგებლო გადაწყვეტილება იყოს მიღებული, ამის ერთადერთი მთავარი გარანტი არის ის, რომ ამ პროცესში ჩვენი საერთაშორისო მხარდამჭერები არიან ჩართულები", - განაცხადა იონათამიშვილმა.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
“მეამა ქოლექთის” ყავის უნიკალური კოქტეილები ბათუმშია