პროკურატურას ბრალდებულთან მიმართებით უფრო ჰუმანური დამოკიდებულება და მიდგომა აქვს, ვიდრე ბრალდებულს საკუთარი თავის მიმართ, ეს არის ნონსენსი,- ამის შესახებ საპარლამენტო უმრავლესობის წევრმა რატი იონათამიშვილმა ჟურნალისტებთან ნიკა მელიას საქმესთან დაკავშირებით განაცხადა.
მისი თქმით, ეს ფაქტიც მეტყველებს იმაზე, თუ ვის რა ინტერესი აქვს ამ საქმესთან დაკავშირებით.
„საზოგადოება ნათლად ხედავს, რომ ნიკა მელიას მიმართ სამართლებრივი პროცესი მიმდინარეობს. ჩვენი ოპონენტები ამ საქმეზე პოლიტიკური სარჩულის დადებას მუდმივად ცდილობენ, თუმცა, მნიშვნელოვანი სხვაობაა საზოგადოებასა და დაინტერესებულ პირებს შორის. ვფიქრობ, რომ ჩვენ უნდა დაველოდოთ სასამართლოს გადაწყვეტილებას, რომელსაც მოსამართლე გამოიტანს,"- განაცხადა იონათამიშვილმა.