გივი მიქანაძე ნიკა მელიას საქმეზე - ეს არის ჩვეულებრივი პროცესი ერთი კონკრეტული ადამიანის მიმართ - ამ პროცესს მმართველი გუნდი გარედან უყურებს

ეს არის ჩვეულებრივი პროცესი ერთი კონკრეტული ადამიანის მიმართ, რომელიც სხვა ბრალდებულებისაგან არაფრით განსხვავდება - ამ პროცესს მმართველი გუნდი გარედან უყურებს, - ასე ეხმაურება „ქართული ოცნების" დეპუტატი გივი მიქანაძე „ნაციონალური მოძრაობის" თავმჯდომარე ნიკა მელიას პატიმრობაში დატოვების თაობაზე სასამართლოს მიერ მიღებულ გადაწყვეტილებას.

მისივე თქმით, თუკი ვაჭრობაზეა საუბარი, საკითხით თავად ნიკა მელია და ოპოზიცია ვაჭრობს. მიქანაძემ ჟურნალისტებთან საუბრისას ხაზგასმით აღნიშნა, რომ საკნიდან გამოსვლის გასაღები მელიას ხელშია, მაგრამ ამას საზოგადოებაში გარკვეული დაძაბულობის შენარჩუნებისთვის იყენებს.

„ჩვენ ვაშენებთ ძლიერ, დემოკრატიულ სახელმწიფოს, სადაც კანონის უზენაესობა უმნიშვნელოვანესი პრინციპია. ჩვენ პატივს ვცემთ, პირველ რიგში, სასამართლოს დამოუკიდებლობას და იმ გადაწყვეტილებას, რომელსაც სასამართლო სამართლიანობისა და მხარეთა შეჯიბრებითობის პრინციპით იხილავს. სასამართლო მხარეების მიერ წარდგენილი არგუმენტებისა და ფაქტების საფუძველზე იღებს გადაწყვეტილებას. საკითხი, რომელიც სასამართლომ განიხილა, არის მისი პრეროგატივა.

მოსამართლის მიერ მიღებული გადაწყვეტილების ერთ-ერთი მოტივატორი ალბათ ის რისკები და კანონისადმი დაუმორჩილებლობაა, რასაც ამ ადამიანის მხრიდან ჰქონდა ადგილი. კანონის უზენაესობას ყველამ პატივი უნდა სცეს", - განაცხადა გივი მიქანაძემ.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა